Video
Read full review
2021-01-26
388 views
幾年前係尖沙咀附近返炒散，每次經過見到哩間店都好靚，所以今次就決定黎食哩間。店內裝修大部分以茶色木材為主，好有漁民家既風格，門口有掛住排燈籠，店內地方唔係好大，大約40個位左右，方枱比吧檯多🤔餐牌內主打係沾麵，而且係用石鍋裝沾麵汁，另外有兩款拉麵，幾款丼飯小食及飲品，仲有兒童餐添！叫兒童餐會送玩具，小朋友會好開心吧！😆最後我都係決定叫豚骨魚介拉麵，選揀硬麵少油，以及加$18既炸雞兩件。湯底係豚骨魚介，濃稠度有啲似粥水咁，唔會太鹹而有鹹香，後勁有鰹魚湯既甜味，我自己幾鍾意個湯底👍🏻但可惜個湯唔夠熱。拉麵係用中太麵，對我黎講選硬麵真係太硬，麵心食落好似未熟唒咁🙈硬麵比較適合細麵🤔另外個麵唔知係咪咁啱係啲頭尾位，夾起黎好短而且好易散，有一柱仲黐埋一嚿😐食個陣彈到啲湯周圍都係，我對個麵有啲失望😐配菜有厚切炙燒叉燒，九爪菜，京蔥粗粒，厚切竹筍。叉燒係五花腩制，我第一次食到咁厚既叉燒，有成1厘米厚，表面有用火槍燒過，肥瘦比例大約8：2左右，唔算太肥，食落唔會乾爭爭，係叉燒上面應該係落左少少山椒粉吧？但係味道唔太明顯🤔竹筍好厚，大約有1厘米厚吧？顏色睇落去有啲似煮牛根，食落冇竹筍個種怪味，而且仲有一
店內裝修大部分以茶色木材為主，好有漁民家既風格，門口有掛住排燈籠，店內地方唔係好大，大約40個位左右，方枱比吧檯多🤔
餐牌內主打係沾麵，而且係用石鍋裝沾麵汁，
另外有兩款拉麵，幾款丼飯小食及飲品，
仲有兒童餐添！叫兒童餐會送玩具，
小朋友會好開心吧！😆
最後我都係決定叫豚骨魚介拉麵，
選揀硬麵少油，以及加$18既炸雞兩件。
湯底係豚骨魚介，濃稠度有啲似粥水咁，
唔會太鹹而有鹹香，後勁有鰹魚湯既甜味，
我自己幾鍾意個湯底👍🏻但可惜個湯唔夠熱。
拉麵係用中太麵，對我黎講選硬麵真係太硬，
麵心食落好似未熟唒咁🙈硬麵比較適合細麵🤔
另外個麵唔知係咪咁啱係啲頭尾位，
夾起黎好短而且好易散，有一柱仲黐埋一嚿😐
食個陣彈到啲湯周圍都係，我對個麵有啲失望😐
配菜有厚切炙燒叉燒，九爪菜，京蔥粗粒，厚切竹筍。
叉燒係五花腩制，我第一次食到咁厚既叉燒，
有成1厘米厚，表面有用火槍燒過，
肥瘦比例大約8：2左右，唔算太肥，食落唔會乾爭爭，係叉燒上面應該係落左少少山椒粉吧？
但係味道唔太明顯🤔
竹筍好厚，大約有1厘米厚吧？顏色睇落去有啲似煮牛根，食落冇竹筍個種怪味，而且仲有一陣清甜味😆😆😋😋我自己幾鐘意哩只竹筍。
拉麵入面既配菜大致上冇咩問題，不過京蔥切粗方粒食落辛辣味會太勁，原本京蔥既甜味無法帶到出黎，未必每位客人都鍾意🤔
另外加錢既小食唐揚炸雞外表脆口，
內裏唔會乾，味道有蒜香及醬油鹹香味，
沙律醬口感似用蛋白加入香料制成，
酸味唔會太強，好creamy😋😋😋
價錢方面，因為有小食同飲品，
大約係$20-$130左右，算係大眾化吧？
但因為配菜少左只糖心蛋我自己覺得有少少貴吧？😗
不過個竹筍真係好味丫😆好少地方會切咁大塊吧？如果麵既軟硬度係揀普通既話，整碗麵應該唔錯，可以值得一試。👍🏻
豚骨魚介拉麵
44 views
0 likes
0 comments
32 views
0 likes
0 comments
20 views
0 likes
0 comments
13 views
0 likes
0 comments
16 views
0 likes
0 comments
9 views
0 likes
0 comments
炸雞（沙律醬）
9 views
0 likes
0 comments
炸雞
8 views
0 likes
0 comments
Post
