麵匠風龍

Open Now

Now Closed

2023.7.31今日係香港漫節evnet第4日，我玩到夜晚8點先去揾野食，咁啱朋友提起灣仔站附近有間叫風龍既拉麵店，所以今次決定去哩間食麵。我點左一份蝦味噌拉麵套餐，套餐並冇包飲品，小食揀左小龍蝦蟹籽沙律。🥗🥗沙律食落啖啖都係蝦肉，蝦肉彈牙而且肉質鮮甜冇腥味，沙律醬有少少芥末味以及蟹籽增加鮮味，表面放左櫻花蝦係面，鹹香十足。沙律仲有幾塊紫菜跟埋，可以同紫菜夾埋食，我覺得配搭啤酒都唔錯🤤🤤🍲🍲湯底好濃郁，有濃濃既蝦湯味，但唔漿口，口感好似飲牛奶，好滑😌😌🍜🍜麵係細麵，因為落單個陣唔記得叫硬麵，食落順滑，不過煮耐左少少影響左口感😗😗🍥🍥拉麵既配菜有青蔥，櫻花蝦乾，粟米粒，味玉，叉燒同紫菜。叉燒用另一只碟裝，表面有炙燒過，食落有焦香味，但肉質有少許乾。櫻花蝦乾鹹香脆口，冇腥味，同湯底好夾。味玉流晒心，鹹味適中，非常好味😋😋我到達時已經有6位係我前面😯😯等左約10分鐘左右就入得😃😃店內係長形店，只有排‘’L‘’形既吧檯，約10-15個座位左右🪑🪑走廊位的牆上有好多掛勾，方便客人掛起衣物，係吧檯下面都有掛勾，好有日本拉麵店既風格😃枱面有提供餐紙，蒜泥，辣芽菜比客人🧄🌶️而且有水及茶選擇，真貼心😊