Video
Read full review
2019-08-08
328 views
難得周六唔使返工，兩口子當然把握時間訓到飽，起身時候早餐時間已經過哂，於是索性食個靚brunch ，慢慢享受悠閒的假期。Glass house 嘅Weekend brunch選擇都幾多，想食fresh啲嘅有沙律同三文治，想食得豐盛飽肚嘅可以考慮漢堡同意粉等等，價錢由108至128蚊，包茶或咖啡。鵝肝菌芝士意粉 $108意粉嘅醬汁比較稠身，帶濃郁忌廉同奶香味。面頭那片微微烤過的半融芝士味道不錯，咸咸地撈埋落意粉一齊食令味道更豐富。鵝肝菌烹調得宜，除去了菇菌本身不討好的霉味後，仍能保留住菌香，確實不錯。和牛漢堡配黑松露蛋黃醬 $128兩片鬆軟的漢堡包中間，夾着多汁的牛肉漢堡扒，肉質唔會過硬，肥瘦適中，牛肉味香濃。另一驚喜位就是那片烤得香口鬆脆的煙肉，與漢堡扒和麵包的口感有強烈對比，旁邊的薯條都炸得香脆，岩哂我呢啲鍾意食香口野嘅人。不過漢堡嘅黑松露蛋黃醬味道一般，加上比其他食材搶了味，味道唔太特出。跟餐可以加$15試下meun嘅特色飲品，我地貪得意選了Blue Sun Set。飲品上層是紫色而下層是橙黃，顏色真的有點像日落的晚霞，而味道則以菠蘿味為主，帶有陣陣薑嘅後勁，飲落都幾清新醒神。不過
Glass house 嘅Weekend brunch選擇都幾多，想食fresh啲嘅有沙律同三文治，想食得豐盛飽肚嘅可以考慮漢堡同意粉等等，價錢由108至128蚊，包茶或咖啡。
鵝肝菌芝士意粉 $108
意粉嘅醬汁比較稠身，帶濃郁忌廉同奶香味。面頭那片微微烤過的半融芝士味道不錯，咸咸地撈埋落意粉一齊食令味道更豐富。鵝肝菌烹調得宜，除去了菇菌本身不討好的霉味後，仍能保留住菌香，確實不錯。
和牛漢堡配黑松露蛋黃醬 $128
兩片鬆軟的漢堡包中間，夾着多汁的牛肉漢堡扒，肉質唔會過硬，肥瘦適中，牛肉味香濃。另一驚喜位就是那片烤得香口鬆脆的煙肉，與漢堡扒和麵包的口感有強烈對比，旁邊的薯條都炸得香脆，岩哂我呢啲鍾意食香口野嘅人。不過漢堡嘅黑松露蛋黃醬味道一般，加上比其他食材搶了味，味道唔太特出。
跟餐可以加$15試下meun嘅特色飲品，我地貪得意選了Blue Sun Set。飲品上層是紫色而下層是橙黃，顏色真的有點像日落的晚霞，而味道則以菠蘿味為主，帶有陣陣薑嘅後勁，飲落都幾清新醒神。
不過跟餐的凍咖啡就比較失色，味道偏淡而且無咩咖啡香味。
餐廳裝修走工業風，環境幾靚，座位亦都寛闊舒適，用餐心情也大大提升。
舖頭外面有個大凍櫃，放滿了精緻嘅件裝蛋糕，下次有機會都想再嚟試下餐廳嘅甜品。
Post
