Video
Read full review
2018-12-17
84 views
山林道食肆林立, 今晚揀左呢間食日本料理嘅居酒屋開餐｡居酒屋以淺木色為主調, 非常簡潔｡ 選擇左坐 Bar 枱位, 因為可以欣賞到師傅手藝, 製作唔同嘅壽司 & 刺身｡前菜第一款: 牛舌｡ 牛舌煮到好腍身, 但由於係厚切, 所以都仲 Keep 到有爽口｡ 第二款: 蔬菜盤｡ 有椰菜、青瓜、蘿蔔, 非常新鮮, 咬落口 “索索” 聲, 配埋個特色醬汁食, So fresh ~~針魚刺身 + 炸針魚骨季節限定, 魚咀長到好似一支針咁, 魚身較幼長｡ 店員話係每日由日本產地直送, 所以每日只賣 5-6 條, 賣晒就冇｡ 好彩今晚早黎, 所以仲可以 Order 一條試下｡師傅好細心咁片出魚肉, 薄薄咁片出十幾片｡ 魚味雖然唔算好豐厚, 但非常鮮甜, 而肉質較細嫩彈牙, 配埋師傅特別調製嘅刺身醬油 + 薑蓉, 魚肉嘅鮮味大大提昇｡ 食完針魚刺身, 個魚頭 & 魚骨仲可以炸黎食, D 骨炸到脆卜卜, 係好好嘅佐酒小食｡特上錦繡壽司有8 款壽司 + 3 件卷物: 鮮帶子壽司、牡丹蝦壽司、加拿大海膽壽司、拖羅壽司、深海池魚壽司、金目鯛壽司、左口魚壽司、赤貝壽司 & 三文魚卷｡牡丹蝦 非常肥美, 口感細綿
居酒屋以淺木色為主調, 非常簡潔｡ 選擇左坐 Bar 枱位, 因為可以欣賞到師傅手藝, 製作唔同嘅壽司 & 刺身｡
前菜
第一款: 牛舌｡ 牛舌煮到好腍身, 但由於係厚切, 所以都仲 Keep 到有爽口｡
第二款: 蔬菜盤｡ 有椰菜、青瓜、蘿蔔, 非常新鮮, 咬落口 “索索” 聲, 配埋個特色醬汁食, So fresh ~~
針魚刺身 + 炸針魚骨
季節限定, 魚咀長到好似一支針咁, 魚身較幼長｡ 店員話係每日由日本產地直送, 所以每日只賣 5-6 條, 賣晒就冇｡ 好彩今晚早黎, 所以仲可以 Order 一條試下｡
師傅好細心咁片出魚肉, 薄薄咁片出十幾片｡ 魚味雖然唔算好豐厚, 但非常鮮甜, 而肉質較細嫩彈牙, 配埋師傅特別調製嘅刺身醬油 + 薑蓉, 魚肉嘅鮮味大大提昇｡
食完針魚刺身, 個魚頭 & 魚骨仲可以炸黎食, D 骨炸到脆卜卜, 係好好嘅佐酒小食｡
特上錦繡壽司
有8 款壽司 + 3 件卷物: 鮮帶子壽司、牡丹蝦壽司、加拿大海膽壽司、拖羅壽司、深海池魚壽司、金目鯛壽司、左口魚壽司、赤貝壽司 & 三文魚卷｡
牡丹蝦 非常肥美, 口感細綿帶爽, 彈性十足, 味道甘甜濃郁｡ 加拿大海膽較大塊, 而且仲好厚身, 顏色呈橙黃, 味濃而口感滑溜｡ 拖羅肉質鮮嫩肥美, 無筋, 入口即溶, 油香味濃, 食完滿口油香。深海池魚絕對可以用 “清、甜、爽” 黎形容, 無論味道同口感, 都同一般池魚截然不同｡ 金目鯛油脂較平均, 肉質細膩肥美, 魚皮用火槍輕輕微燒, 散發陣陣魚油香味｡ 左口魚肉質結實, 有豐富魚油, 味道甘香鮮甜｡ 赤貝肥大, 肉質呈橙紅色, 色澤亮麗, 口感非常爽脆, 味道夠晒鮮甜濃郁｡
煙肉蠔卷
煙肉油香完全迫出, 所以口感非常香脆｡ 蠔肉唔會過煮, 火喉啱啱好, 仍然保留到嫩滑多汁｡ 煙肉蠔卷可以一次過食到 2 種唔同嘅口感｡
汁燒牛肋骨肉
將已醃製過嘅牛肋骨肉加上醬汁一齊燒, 嫩中帶點嚼勁, 而且非常惹味｡
穴子天婦羅
外皮炸到金黃香酥, 內裡肉厚而又雪白軟嫩, 一 D 都唔油膩,
鯛魚湯稻庭烏冬
餐廳自家制嘅湯底, 用上大量鯛魚熬成奶白色嘅湯, 魚味鮮甜濃郁, 配上幼滑細膩嘅稻庭烏冬, 絕對係大滿足 !!
Post
