肥牛粉 (Closed)

放飯時間，同事話想食越南野，就去左呢間肥牛粉。但點知係惡夢的開始我叫左個生牛肉熟腩粉，同事就叫左個招牌牛肉粉，同埋一份串燒沙嗲。原本想叫賣特飲，點知特飲係另計無得跟餐，成$20杯，所以無叫上枱時，見到碗野大大碗，又多配菜，以為OK啦...點知個D配菜原來係僭建物，用黎幫碗野堆砌肥牛得兩片，仲要紙咁薄，真係食刀功牛腩好少少，有三舊，可能我叫的係雙併同事就慘了，個招牌粉又貴過我...只係多左樣牛肚的東西...生牛肉，食得出唔係街市買的打邊爐肥牛，因為成塊牛的肉質和脂肪散到一舊舊，正宗一夾就散再附送華山刀法，切到Ｄ肉薄一薄，唔食得都睇得牛腩...幫佢拉返唔少分，夠熟夠腍，有牛味，抵讚。個湯...最失敗成碗都係味精，飲多一啖都嫌多串燒...失敗中的失敗...$35得4條都算，Ｄ肉又鞋又實又乾又韌...唔知以為自己叫左臘肉串燒同肉乾串燒難聽D講真係可以用黎玩飛鏢又貴又唔抵，仲要落重味精，真係無下次