龍鳳祥餃子館 (Closed)

炎熱的天氣長期令人沒哂胃口，一到夏季我最愛吃餃子，細細粒，又唔太漏，而且口味多變化。今晚路過佐敦見到一間餃子店，見餃子款式特別，而且7點未到已經坐滿了整間舖，所以決定入去試一試。店內裝潢有格調，只是坐位有點太迫，空間少。餐牌入面有些食物從未聽過，而且食物名又特別。秘制牛犇麵 （讀音：燈）味道跟紅燒牛肉麵有點相似，牛味濃，湯底味道濃厚，牛肉軟淋鮮嫩，好好味呀！番茄雞蛋餃第一次聽原來番茄蛋可以用黎做餃子饀料，但完全估唔到可以咁夾，味道清清地又fresh , 堅正白菜豬肉煎餃外皮煎到金黃香脆，餃子皮嫰滑，白菜豬肉饀鮮甜滋味又多汁，而且味道仲好掂！醉雞酒味香濃，雞肉鮮嫩又滲出淡淡酒香味，最啱我倆口味終於佐敦有一間好啱我倆口味嘅小店，應該我倆好快就會回來再吃多次。