蕾

Open Now

Now Closed

今日嚟咗呢間「蕾」，餐廳主推串燒同清酒，食物種類款式豐富，每一款都有獨特風味⋯ 枝豆豆粒飽滿，鹹香清新，瞬間喚醒味蕾。味醂魚乾，魚肉乾香，醬香同魚鮮融合，越嚼越香，係送酒嘅好配搭。 炸雞軟骨炸得金黃酥脆，鹹香適口。雞皮烤至金黃，油脂被逼出，入口酥脆不膩。鹽燒手羽火候精妙，外皮焦香，內裡嫩滑多汁！雞胸軟骨脆嫩兼備，嚼起嚟趣味十足。 牛舌芯串牛舌處理得極好，口感細膩彈牙，肉香濃郁。 豚肉生菜卷豚肉香嫩，搭配新鮮生菜，清爽解膩。豚肉泡菜卷泡菜嘅酸辣為豚肉增添咗另一番風味⋯雞腎口感彈牙，味道醇厚⋯墨魚汁香腸咬開後墨汁嘅鮮香喺口中四溢，推介！ 翠玉瓜烤得軟嫩，清甜依舊。秋葵保留咗脆感，鮮味十足。 燒飯團外層微微焦香，米香濃郁。盤城壽口感輕柔，帶有一點新鮮同清新嘅餘味⋯ 餐廳從食材選取到烹飪技藝都頗具水準，同朋友過嚟小酌一番，係一個唔錯嘅好去處！