彌敦左岸

Open Now

Now Closed

好幾年前跟男友來過這間餐廳食生日飯，仲記得佢哋個甜品會插支小煙花幫我慶祝，勁有氣氛影相勁靚，今次特意舊地重遊，食下好嘢，聽下live band唱歌，chill返一晚，玩得再夜啲都無問題，因為呢度晚餐食物供應時間到凌晨一點。我們點了份左岸精選威靈頓牛柳雙人套餐$598，六百也不用就可以食到英國名菜威靈頓牛柳都算抵。先來精選凱撒沙律，可選煙燻三文魚或意大利巴馬火腿做配料，夠清新開胃；再來小食，我們選了原味脆炸薯條，果然即炸香脆到不得了，意大利麵我們則選了蒜頭辣椒炒深海虎蝦配意粉，兩隻虎蝦好爽口彈牙，意粉掛滿咸香微辣的醬汁好惹味；重頭戲主角威靈頓牛扒登場，主廚的擺盤勁有心思，威靈頓牛扒切成兩半，金黃酥脆的外皮散發著牛油香氣，內裡粉嫩的五成熟牛扒，肉汁豐富，牛肉味濃郁，幾乎不用點醬汁已經好好味，是一道視覺與味覺雙重享受的美食。食完後叫杯飲品或啤酒，再聊聊天、聽聽歌真的非常寫意。