Video
Read full review
2019-03-24
52 views
以前好鐘意放假就同朋友一齊約去靚cafe影相食下野，不過因為生活忙碌左好多，近年都好少再有興致去做呢樣野。禁岩最近有多啲空閒時間，就同朋友黎呢間cafe聚一下，影下靚相💕餐廳有大量打卡位，色彩方面主要係粉紅、粉藍，佈置都好少女風，仲專設置一個背景同area比客人影相，想點影都得！娛樂性十足👍🏻《波士頓龍蝦汁配扁意粉》$188呢個係餐廳新出品，好神奇！意粉都可以懸浮係半空，又可以瘋狂影相！不得不讚係佢唔係淨係得個樣，龍蝦汁好濃稠，味道都好香濃，但略嫌有少少咸。扁意粉掛汁力好高，入口啖啖都係龍蝦香氣，而且軟硬適中，口感都幾彈牙，整體好味👍🏻《紅菜頭帶子意大利飯》$138粉紅色既飯又係好靚，好適合拍照🤣！飯粒偏硬身，係我鐘意既硬度，不過忌廉略嫌唔夠多，以致飯比較乾，但都接受到因爲無禁膩🤔而帶子大大粒有咸香，都唔錯！店員向我地推介左千層蛋糕，最近仲新出左兩款口味，我地揀左《芝士雪糕奶蓋千層蛋糕》$52芝士味好香😍因為中間係雪糕，所以口感上就無禁細滑，同埋比較乾身少少，但係雪糕好重奶味，所以味道都幾好。《宇治抹茶梳乎厘班戟》$88好大份！仲有埋雪糕，都幾抵食。樣貌唔太討好，但係味道幾好。呢個唔係
餐廳有大量打卡位，色彩方面主要係粉紅、粉藍，佈置都好少女風，仲專設置一個背景同area比客人影相，想點影都得！娛樂性十足👍🏻
《波士頓龍蝦汁配扁意粉》$188
呢個係餐廳新出品，好神奇！意粉都可以懸浮係半空，又可以瘋狂影相！不得不讚係佢唔係淨係得個樣，龍蝦汁好濃稠，味道都好香濃，但略嫌有少少咸。扁意粉掛汁力好高，入口啖啖都係龍蝦香氣，而且軟硬適中，口感都幾彈牙，整體好味👍🏻
《紅菜頭帶子意大利飯》$138
粉紅色既飯又係好靚，好適合拍照🤣！飯粒偏硬身，係我鐘意既硬度，不過忌廉略嫌唔夠多，以致飯比較乾，但都接受到因爲無禁膩🤔而帶子大大粒有咸香，都唔錯！
店員向我地推介左千層蛋糕，最近仲新出左兩款口味，我地揀左《芝士雪糕奶蓋千層蛋糕》$52
芝士味好香😍因為中間係雪糕，所以口感上就無禁細滑，同埋比較乾身少少，但係雪糕好重奶味，所以味道都幾好。
《宇治抹茶梳乎厘班戟》$88
好大份！仲有埋雪糕，都幾抵食。樣貌唔太討好，但係味道幾好。呢個唔係空氣感好重既班戟，裡面比較實，食落去有實在感，蛋香幾突出，外皮口感煙韌，所以好唔好食好睇個人喜好，我覺得唔錯。抹茶醬唔會太甜，味都幾濃！
呢度真係好適合同鐘意影相打卡既朋友黎，環境好靚，食物都唔錯架！
Post
