究極堂 (永光中心)

Open Now

Now Closed

一入門口就聽到YOASOBI嘅歌，環境燈光有啲暗，座位一啲都唔迫，感覺好舒適，私隱度感覺多左啲，餐牌有好多選擇，包括壽司、炸串、刺身侓有是日推介，我地去左幾款壽司試下，包括三文魚腩壽司、炙燒七味帆立貝壽司、炙燒右口魚邊醬油漬壽司以及炙燒三文魚壽司。壽司非常新鮮，經過炙燒後散發誘人嘅香氣。我地仲點左甜蝦唐揚作為小食，第一次見到甜蝦被炸，炸得連殼都很脆，非常岩送酒。另外，佢地仲有蟹膏豆腐鱈魚乾，店員特別提醒我要趁熱食，因為鱈魚乾燒得非常脆口，搭配蟹膏豆腐非常美味。鹽燒白鱔的魚皮脆口，魚肉滑嫩可口。粟米天婦羅選料新鮮，肉質炸到剛好，用鹽調味後味道出乎意料地好。另外，佢地侓有清酒煮蜆，湯底有濃郁嘅蜆味同清酒香氣。海苔墨魚串炸得酥脆，裡面仲有墨魚碎。飲品方面，我點左甘橘柚子酒和巨峰提子梳打。柚子酒散發著柚子獨特酸甜香氣，o係口中瀰漫著淡淡的果香，並且帶有微妙的清酒風味。總括黎講，呢間餐廳營造的氛圍舒適，燈光柔和，讓人感到放鬆。食物方面提供多樣選擇，每道菜都帶有獨特的風味和口感。此外，佢地既飲品都非常出色。如果你想嚐嚐美味的日本小食和酒類，這家餐廳絕對是一個值得考慮的選擇。