Video
Read full review
2017-04-25
479 views
上星期風和日麗，就梗係抓緊春天嘅尾巴，同摯友一齊郊遊下，同陽光玩吓遊戲。香港嘅郊遊地點眾多，個人最鍾意嘅就係大尾篤。大美篤最殺食嘅地方，除咗係無敵嘅大海景之外，仲可以踩單車、放風箏、撐艇仔，鍾意玩乜都得。 另外一個最好嘅地方， 就係大尾篤有好多任食燒烤場， 玩完肚餓可以大吃大喝一餐， 非常滿足。在云云眾多嘅燒烤場之中， 我就最鍾意屹立十年嘅《巴希雅海灣重慶燒烤》。 呢度最吸引我之處， 就係巴希雅並唔係一般嘅港式燒烤，而係一串串嘅重慶燒。重慶燒同一般港式燒烤好唔同，長方形嘅烤爐入面放有可以燃燒三個鐘嘅炭， 所以唔使燒兩轉就加炭，又要撥、又要吹咁麻煩。 而且呢隻炭溫度非常之高， 好快就可以將食物烤熟。 特別之處係呢度提供咗重慶燒烤必備嘅孜然粉、辣粉、同醬油。 如果想食蜜糖嘅話， 就要自己去買啦。呢度嘅食物種類非常之多， 好多喺重慶燒烤食到嘅串燒呢度都有。除咗燒烤嘅食物之外， 仲有麻辣皮蛋同涼拌青瓜， 兩種涼菜都非常出色， 麻味、蒜蓉味突出， 估唔到喺燒烤場都有質素直迫川味店嘅前菜，讚~先講蔬菜類， 有食重慶燒必點嘅矮瓜，燒法好簡單， 將整條矮瓜放喺烤爐上面烤至軟淋， 再分成一半， 搽上水同
香港嘅郊遊地點眾多，個人最鍾意嘅就係大尾篤。大美篤最殺食嘅地方，除咗係無敵嘅大海景之外，仲可以踩單車、放風箏、撐艇仔，鍾意玩乜都得。 另外一個最好嘅地方， 就係大尾篤有好多任食燒烤場， 玩完肚餓可以大吃大喝一餐， 非常滿足。
在云云眾多嘅燒烤場之中， 我就最鍾意屹立十年嘅《巴希雅海灣重慶燒烤》。 呢度最吸引我之處， 就係巴希雅並唔係一般嘅港式燒烤，而係一串串嘅重慶燒。
重慶燒同一般港式燒烤好唔同，長方形嘅烤爐入面放有可以燃燒三個鐘嘅炭， 所以唔使燒兩轉就加炭，又要撥、又要吹咁麻煩。 而且呢隻炭溫度非常之高， 好快就可以將食物烤熟。 特別之處係呢度提供咗重慶燒烤必備嘅孜然粉、辣粉、同醬油。 如果想食蜜糖嘅話， 就要自己去買啦。
呢度嘅食物種類非常之多， 好多喺重慶燒烤食到嘅串燒呢度都有。除咗燒烤嘅食物之外， 仲有麻辣皮蛋同涼拌青瓜， 兩種涼菜都非常出色， 麻味、蒜蓉味突出， 估唔到喺燒烤場都有質素直迫川味店嘅前菜，讚~
先講蔬菜類， 有食重慶燒必點嘅矮瓜，燒法好簡單， 將整條矮瓜放喺烤爐上面烤至軟淋， 再分成一半， 搽上水同醬油， 令到矮瓜肉烤至軟身， 再撒上孜然粉同辣粉， 假如有信用嘅話， 味道同感覺真係同出面嘅重慶燒百分百相似。
另外仲有食日本串燒經常食到嘅燒白果， 白果燒好後搽上醬油， 口感煙韌， 帶點微鹹， 健康又好味。另外仲有京蔥，將京蔥混合肉類一齊燒， 更能提升烤肉嘅鮮味。
不得不讚嘅係每人一隻嘅海蝦， 燒海蝦時記得唔好燒得過火， 因為燒度過龍會痴殼。海蝦size中等， 而且蝦肉彈牙，絕對唔發霉，簡直令人喜出望外。
至於肉類， 基本上無論雞肉、豬肉、牛肉、抑或羊， 質素都相當高。食唔出有鬆肉粉味道，而且醃料味道都有幾個選擇。 個人推介，燒雞串，雞肉相當入味， 由於火，爐夠猛， 可以鎖緊肉汁，燒嘅時候可以除個人口味撒上孜然粉同辣粉， 增添重慶感覺。
千祈唔好唔記得換菠蘿同香蕉。菠蘿每人可以換取一件， 燒過後嘅菠蘿水分蒸發， 甜味更加濃郁， 用嚟做飯後果，又好味有消滯。
至於香蕉， 將整條香蕉消至發黑後，可以拿到收銀處 添加朱古力醬， 無論大人同細路仔都搶住食。
雖然燒嘅時候都幾忙， 因為火爐夠猛，稍一不留神就會燒成炭黑。但係重慶燒真係風味十足， 好有食街邊串燒嘅感覺。估唔到支持咗《巴希雅》近10年， 質素都能夠保持， 實屬難得，難怪成為大家假日之選。嚟緊嘅假期，不妨同親戚好友一齊來享受 一下陽光丫。
Post
