博多拉麵別天神 (Closed)

今日約咗我嘅中學同學喺銅鑼灣食飯，慶祝佢生日🥳 可惜我要OT，叫佢等我成粒鐘…真係唔好意思🫠 因為朋友想食拉麵，所以我就揀咗呢間餐廳 (聽其他朋友講話好好食😋) 不過去到餐廳就俾佢既size嚇親，因為好細間😅 全店只有一張L型枱，而位與位之間好貼，而走廊位只係能夠岩岩好俾一個人進出，肥少少都難行🫢佢既落單方法同日本既拉麵店一樣，係店外的自助售票機揀完想食既款式&飲品，就可以直接入錢，好方便🤭 買完之後就可以將張單據俾店員，等左<5分鐘就係送到面前。座位前仲有水&凍麥茶俾客人自己揀黎斟，不過我就揀左飲氣水😆蝦味噌豚骨湯麵 +餃子/ 小龍蝦蟹籽沙律 ($115)我哋都叫咗同一款拉麵，但係配菜就分別叫咗餃子同埋小龍蝦蟹籽沙律🥗 大家share食🥰 我幾鍾意佢個沙律，除咗沙律之外仲附送左6塊紫菜，等我哋可以夾埋沙律一齊食🤭 至於餃子就普普通通，冇乜特別。拉麵🍜方面，豚骨湯底好濃厚好rich，配料有粟米🌽、蔥、叉燒、溏心蛋🥚同櫻花蝦🦐，超級豐富！不過去到最後我覺得有少少咸🤏🏻 雖然味道未去到好味到令我驚艷，但整體黎講都算唔錯。