東京築地拉麵 (Closed)

拉麵店位處於雅蘭地庫。有wifi唔驚收唔到電話。價格定位屬於中下。$6x就有碗拉麵。不過要收加一。鍾情港人最愛嘅豚骨湯。叫左黑鬼濃厚豚骨湯叉燒拉麵。拉麵有半隻流心蛋。2片叉燒。2塊紫菜。仲有啲木耳絲粟米粒蔥同荀。先試一啖湯底。不如其名般濃厚。味道唔重豚骨味。黑蒜油亦都唔夠香。勝在唔係味精味。麵底用粗身拉麵。口感偏淋。冇鹼水味。叉燒一夾就散。唔算厚。味道甜甜地算可以。流心蛋相對做得較出色。夠流心亦夠入味。整體而言味道屬於一般。如果只係止下口痕都尚算可以。