Video
Read full review
2017-07-16
514 views
今日同食素食嘅朋友食飯呀，當然就想搵一啲素食。之後有朋友介紹尖沙咀北京道功德林話環境唔錯而且食物質素都高，所以今次約咗星期六夜晚八點鐘過嚟食飯，個環境唔錯喎，見到維港景色，而且都好乾淨同坐得舒服。之後待應就畀咗茶同花生同埋餐牌畀我哋，最後我哋揀咗幾款嘢食，最後每人差不多三百蚊價錢。唔算話十分好平，但係已質素同埋環境嚟講就抵 食，所以朋友都話下次都想再約其他朋友過來 。功德林三併盤$158……今次叫左豆腐，素鱔同粉皮，素鱔朋友勁鐘意，話夠脆口又香，而我就覺得豆腐清清地又夠滑身，粉皮就正常吾錯。糖醋松子黃魚$138……黎到原來係芋頭魚我最愛喎，而且個面係腐皮面就更開心，芋頭入面仲有粒粒芋頭勁好食，腐皮配上酸甜醬汁，推介好味 ，而且吸睛係佢魚頭和尾都係用菇成魚形十分漂亮。花菇素雞粟子煲$108……材料配上醬汁超入味，份量仲要勁多食吾晒添，粟子勁淋身，素雞大大。件有口感，整體吾錯。回鍋肉炒年糕$88…… 真係幾似回鍋肉，有我最鍾意嘅椰菜同青椒，醬汁其實都同真實嘅差唔多都，彈牙嘅年糕配上醬汁幾好食而且份量吾少都幾飽肚。洒釀桂花丸子$42…… 差唔多食完當然要食個甜品啦，但係因為太飽嘅關係 ，最
之後待應就畀咗茶同花生同埋餐牌畀我哋，最後我哋揀咗幾款嘢食，最後每人差不多三百蚊價錢。唔算話十分好平，但係已質素同埋環境嚟講就抵 食，所以朋友都話下次都想再約其他朋友過來 。
功德林三併盤$158……今次叫左豆腐，素鱔同粉皮，素鱔朋友勁鐘意，話夠脆口又香，而我就覺得豆腐清清地又夠滑身，粉皮就正常吾錯。
糖醋松子黃魚$138……黎到原來係芋頭魚我最愛喎，而且個面係腐皮面就更開心，芋頭入面仲有粒粒芋頭勁好食，腐皮配上酸甜醬汁，推介好味 ，而且吸睛係佢魚頭和尾都係用菇成魚形十分漂亮。
花菇素雞粟子煲$108……材料配上醬汁超入味，份量仲要勁多食吾晒添，粟子勁淋身，素雞大大。件有口感，整體吾錯。
回鍋肉炒年糕$88…… 真係幾似回鍋肉，有我最鍾意嘅椰菜同青椒，醬汁其實都同真實嘅差唔多都，彈牙嘅年糕配上醬汁幾好食而且份量吾少都幾飽肚。
洒釀桂花丸子$42…… 差唔多食完當然要食個甜品啦，但係因為太飽嘅關係 ，最後一個甜品2份分，酒味都幾香，同埋桂花香味都唔算太甜啱啱好，而且丸子好彈牙有口感味道唔錯。
Post
