通達食店

Open Now

Now Closed

位置旺角嘅「通達食店」，真係可以話係我由細食到大。以前中學，成日同同學仔去花園街買衫，經過親都必然會入去食番串辣魚蛋、碗仔翅，有時仲會整番碗豬油渣麵。人大左，咁高膽固醇嘅野，真係唔敢成日食。但係越唔健康嘅野，偏偏越好食。三個月無食過，今日同同事食飯，終於忍唔住提出想食，同事竟然話OK。招牌豬油渣麵 $36每次食材都會放得好靚，好有色彩。材料有冬菇絲、火腿絲、豬油渣仲有我覺得同樣係主角嘅辣菜圃。冬菇絲、火腿絲份量正常，豬油渣有4-5件，炸到有少少脆口，食落很爽口。不得不提佢嘅辣菜圃，激讚~ 我自己就勁鍾意，浸落個湯度，個湯變得辣辣地，菜圃又爽脆，今成碗麵加晒分~