望月軒

Open Now

Now Closed

環境開揚闊落，仲有落地玻璃窗，個View好正。睇menu，餐廳主打粵菜和川菜，粵菜就常見啦，但喱度川菜的款式都好多，例如水煮魚和毛血旺等。可惜我食唔到辣，試唔到，都係叫返啱我地口味嘅嘢。點咗幾樣嘢，味道都幾出色。鮮菌蜜汁黑豚肉：黑豚肉食落滑嫩，無豬肉騷味，配上鮮菌四季豆食，香甜可口。桂花帶子韭菜苗煎蛋角：帶子韭菜蛋餅喱個組合第一次見，韭菜清香搭配帶子嘅鮮甜味道唔錯，底仲鋪咗一層瑤柱乾，配埋食口感更豐富。鮮粟米番茄炒飯：番茄本身會出水有可能整到飯濕軟，但呢個食落粒粒分明仲乾身，唔錯。板燒牛柳粒：最愛喱個餸，牛柳粒好軟淋，又Juicy。整體而言，食物質素確係唔錯。會再嚟。