麵屋丸京

Open Now

Now Closed

我所謂味道取勝，即係話除咗味道好之外，基本上冇乜好。但係作為食肆，味道好就係最緊要。佢規矩多多，而且不定時營業，完全唔理顧客嘅感受，你要嚟就嚟，唔嚟就罷。佢哋嘅叉燒係幾好味，麵質都係硬度適中，湯底夠味之餘，又有回甘。地方只係一般乾淨，待應態度都普普通通，食物選擇亦冇乜得揀，但係食物整體品質上，算係少有。附近亦冇競爭對手，可謂係獨市生意。其實我已經去過4,5次，但係只有一次食得到，即使係佢講明嘅營業時間，都係隨時唔開門，真係冇計。