Video
Read full review
2021-06-22
103 views
星期日晚7:00鬆啲嚟食酸菜魚放題，呢度食嘢係有次序嘅…… 首先第一步會上4款小食，包括蝦多士，甜酸元貝、涼拌苦瓜同鳳爪。我覺得蝦多士最好食，炸得夠香脆👍🏼 個苦瓜應該加咗話梅粉，味道怪怪地😅 元貝同鳳爪就普普通通啦⋯⋯第二道菜會上剌身拼盤，有三文魚、蝦、北寄貝、帶子同油甘魚，尚算鮮甜😋 (注意⚠️ 剌身拼盤係冇得encore！)到第三味會上酸菜魚，魚片夠滑，份量都多，不過味道就一般。食完個酸菜魚就到火鍋，你可以選擇轉湯底，我哋轉咗牛骨湯，湯底好淡冇咩味。火鍋配料海鮮拼盤，包括蜆、蝦、鮑魚、元貝同青口，都算新鮮嘅。不過注意⚠️ 海鮮拼盤又係冇得encore嘅！其他仲有牛肉、豬肉、炸魚皮、響鈴、魚皮餃、韮菜餃、墨魚丸、蝦丸同蔬菜拼盤。食完以上所有食物，其實都飽咗八成，想添食蔬菜同魚皮餃，點知佢話菜同所有丸、餃都冇曬。其實都幾攪笑，呢度食物款式已經唔算多，又話做放題，點知食完一個round就已經呢樣冇嗰樣冇🤣⋯⋯順帶一提，汽水🥤烏龍茶🧃啤酒🍺紅酒🍷白酒🥂同梅酒🥃係任飲嘅，最後每人仲有一杯雪糕！呢度環境同服務就正常嘅，收費每位$275+10%，三個人就九舊水鬆啲，可以食到10點！
第二道菜會上剌身拼盤，有三文魚、蝦、北寄貝、帶子同油甘魚，尚算鮮甜😋 (注意⚠️ 剌身拼盤係冇得encore！)
到第三味會上酸菜魚，魚片夠滑，份量都多，不過味道就一般。
食完個酸菜魚就到火鍋，你可以選擇轉湯底，我哋轉咗牛骨湯，湯底好淡冇咩味。火鍋配料海鮮拼盤，包括蜆、蝦、鮑魚、元貝同青口，都算新鮮嘅。不過注意⚠️ 海鮮拼盤又係冇得encore嘅！其他仲有牛肉、豬肉、炸魚皮、響鈴、魚皮餃、韮菜餃、墨魚丸、蝦丸同蔬菜拼盤。
食完以上所有食物，其實都飽咗八成，想添食蔬菜同魚皮餃，點知佢話菜同所有丸、餃都冇曬。其實都幾攪笑，呢度食物款式已經唔算多，又話做放題，點知食完一個round就已經呢樣冇嗰樣冇🤣⋯⋯
順帶一提，汽水🥤烏龍茶🧃啤酒🍺紅酒🍷白酒🥂同梅酒🥃係任飲嘅，最後每人仲有一杯雪糕！呢度環境同服務就正常嘅，收費每位$275+10%，三個人就九舊水鬆啲，可以食到10點！
Post
