阿純山東餃子

Open Now

Now Closed

見呢間餃子店口碑好似唔錯，又有幾多電影雜誌推薦，行到附近咁就諗住去試下啦。因為夜晚有野做，所以下午四點幾五點就已經到左，食晚餐餐廳入面幾簡陋，好似普通茶餐廳，而且唔算好乾淨，檯面有少少反光嘅油跡。一入到去就見到有人係到包餃子，衛生情況唔係好清楚，不過至少知全部餃子都係人手包嘅。一坐低就有侍應擺低杯茶同埋隻碟仔，冇乜特別嘅服務，不過都預左嘅，唔黑面就已經算正常。檯面有兩款餐牌，後面就有圖片參考。我自己一個人就嗌左一個素菜餃同埋一碟油菜全走。素菜餃十隻，SIZE比其他餃子店細少少，北方餃子皮都比較厚少少，不過唔會硬，而且一上檯熱辣辣出緊煙，睇到都幾開心。餡有菜，木耳，冬菇，粉絲同埋少少少量嘅油炸鬼碎碎，因為我食到一啲口感幾奇怪嘅野，就研究下究竟係乜，原來係油炸鬼碎碎！幾特別，不過好少，所以都未必察覺得到。我都唔算大食，但食完呢十隻餃子都冇飽肚嘅感覺。灼菜其實幾唔抵，不過想食得健康啲冇辦法。$18得四條菜，而且灼得太耐，見到張相都知太林，不過至少菜係新鮮嘅。　總括黎講，我覺得呢間野唔差，但係又冇咩咁特別，唔明點解佢名氣咁大，我覺得有啲名不乎實。