霞飛會館 (Moved) New Location

今日一個人喺中環做嘢，中午週圍無位食飯就上咗霞飛會館。上到去門口個阿姐目無表情話要等喎，跟住轉頭阿部長就叫我坐門口嗰張細枱。都算，一個人無所謂。坐低點咗個小籠飽同一碗擔擔麵，整體味道唔錯，特別係碗麵，個醬汁同湯好香濃，不過小籠飽就不過不失啦。但服務方面就真係不敢恭維。我十二點九坐低點菜，一點三食完即刻俾人收哂啲嘢要埋單，我話我未走喎，部長黑哂面話最好唔好啦。講真大佬呀，我埋單一個人將近百七蚊，淨茶芥加一都成五十蚊，你唔係咁嘅態度啩。味道唔錯都假，中環價錢但態度咁差，總之以後唔會再嚟。