金裝燉奶佬餐廳 (嘉湖新北江) (Closed)

呢一日早左起身，就約左個朋友黎呢度食早餐。呢度有樣好，可以慢慢食個早餐，坐得又算舒服。魚柳炒蛋個魚柳都唔錯既，唔會食到成口都係炸粉。肉質都唔算太差既。而炒蛋就無乜特別，因為個味唔算太濃。應該加番牛油或牛奶去炒就會好啦。個餐包就無乜特別，搽牛油就得啦。火腿粟米米線因為麥皮sold out先食既，無乜特別既。只不過呢個係無選擇既選擇。凍奶茶呢度既凍奶茶幾好飲，唔會落太多奶。而茶味又好夠，唔錯架。可以同個朋友食個早餐真係幾難得，因為我地好小時間一齊聚下啦。