Fantasy Coffee

Open Now

Now Closed

今日想同媽媽慶祝母親節，媽咪提議黎呢度食，我未食過，佢食過話都OK好食，就跟佢黎試下啦。我地得兩個人，叫左三樣嘢，份量都好足，食到尾有我包底，唔怕！🥗煙三文魚田園沙律：好大份新鮮沙律菜，三文魚卷成花既形狀，賣相精緻，胡麻沙律醬唔會太多，呀媽嫌唔夠醬，但我覺得啱啱好。🍕黑松露野菌薄餅⭐️：呢個我地一致認為係今餐MVP！餅底口感鬆脆，食落有烘培小麥既香味，承載住既黑松露芝士餡同樣散發濃郁黑松露味，攞上手時熱辣辣既芝士可以拉絲，味道賣相都相當吸引！🍝千層麵：百幾蚊呢講份量好似少左啲，不過千層麵一般都係呢個Size既，味道都唔錯，唔太酸，唔太乾。