Fantasy Coffee

Open Now

Now Closed

今次係第二次來幫襯了，上年來食過覺得味道有保證，所以今次路過屯門碼頭決定特登過去食。今晚嘅Menu跟上次來嘅已經唔同咗，而晚餐嘅主菜套餐就配有餐湯同飲品。餐湯我揀咗南瓜湯，咬到有一粒粒南瓜肉，好甜嘅南瓜🎃味，高質！😋香辣蒜片欖油大蝦炒意粉🍝 ($128)今次我揀咗加辣，不過加辣就真係太辣了，好像喧賓奪主了。連去譚仔食開大辣嘅我都覺得有譚仔大辣嘅辣度。本身個意粉用欖油去炒已經比較多油，加辣變相加多咗辣椒油，更加油冧冧。我建議揀返正常辣，而唔食得辣嘅要揀減辣。不過呢個意粉夠晒重口味啱我，我下次會想再食過😝🍋跟餐嘅凍檸茶唔需要凍飲加錢，值得一提嘅係佢竟然俾咗五塊檸檬，如此足料嘅餐檸茶真係市面少見了。雖然全店免收加一，但服務都到位，店員溫文有禮，而且好像冇用餐限時。呢間真係稱得上係隱世好食cafe，價錢合理，餐牌會不定時更新，味道偏濃味啱我口味，可以經常再來食丫#支持小店

難得過到去屯門碼頭梗係喺cafe度過悠閒下午～室內室外都有位置(ฅ´ω`ฅ)可以同朋友慢慢吹下水再食嘢。※手撕德國咸豬手風車漢堡配沙律薯條豬手彈牙，醬汁超級好食！！薯條都炸到啱啱好熱辣辣(๑•̀ᄇ•́)و ✧ （個人比較推薦鹹豬手漢堡多過鹹豬手pizza※黑松露大啡菇野菌意大利飯超級香野菌味！但係啡菇送上嚟嘅時候仲好水潤好香。不過可能佢哋兩個都太香， 所以砍咗黑松露隻味。※唐揚炸雞真係不得不誇讚呢間小店嘅炸物。一樣送上嚟都仲好熱辣辣同埋好多汁🥰仲要啲肉超級嫩滑，完全夠味連個醬都可以唔使點。※Frozen Mango 上枱嗰時嚇親勁大杯，因為成日出去食飯飲嘢都覺得唔夠。仲要超級香芒果味！※Latte 香濃口感順滑。咖啡同奶奶比例啱啱好😎其實呢間小店我都去過兩次比較推薦坐喺戶外睇吓海🤣可惜兩次我去都係得翻室內有位

上網見到呢間餐廳 以為不錯。 點知去到大中伏。 樓面侍應不知所謂。 出餐次序都完全錯哂。 有咩理由 同一款熱狗。 後來的客人會比我們早上菜。 而且詢問哪位侍應 仲要態度十分惡劣。 把熱狗直接扔到台面上。 最尾走時 仲要專燈說一些無謂的說話諗住激嬲我哋 呢位女侍應真係完全冇禮貌 冇質素。 下次絕不會幫襯這間店。至於食物質素還好。 但價格定位上有一些問題， 熱狗配暑條就不用加錢。反而漢堡配暑要加成4X 元。 簡直叫人唔好配暑條。 叫左杯凍檸茶。杯野飲係唔錯夠大杯既。 但係一諗到侍應態度惡劣 就真係完全唔想再幫襯， 永無下次。 建議呢間店老闆要好好培訓下D 員工服務既態度。 簡直依家係貼錢買難受。

✧ Fantasy Coffee ✧去咗大西北同友人聚餐，今次佢介紹咗間喺碼頭嘅cafe, 環境好舒服, 渡過咗一個悠閑嘅下午😌🍕手撕德國咸豬手薄餅 見好特別，所以試下😌pizza餅底好脆，豬手肉焗過都唔會好乾，唔錯唔錯!🌶️冬蔭公海鮮意大利飯海鮮份量唔少，飯粒吸晒冬蔭公味，令到個意大利飯唔會好膩，仲幾開胃!😗🍖脆炸德國咸豬手即叫即整，見到佢即炸起😋豬手肉好嫩，皮好脆👍🏻🥘酥脆單骨雞翼熱辣辣上枱，又脆又香😍

10年都唔入嚟一次大西北 真係估你唔到 大西北都有好嘢食 行完街而家入咗嚟呢間工業嘅餐廳搵啲嘢食 呢間餐廳裝修比較簡潔 叫咗個意粉同燒汁牛柳粒洋蔥飯包配沙律薯條幼身嘅薯條 即叫即炸 非常香口 法包份量非常大 食到好飽 牛柳粒岩岩好，好軟熟 整體感覺都非常之唔錯 推介📍Fantasy Coffee湖翠路138號啟豐商場地下1A9號舖

'本身想坐戶外，見好chill~不過當日太熱就改坐入面，一入到去係簡潔的工業風，好打卡able．可能位置係民居，所以見多數都係街坊。*燒汁牛柳粒洋蔥法包配沙律薯條 - 薯條係幼個種，岩岩炸起真係好好食!!!!!!法包份量好大，食到有少少呢hea哈哈 牛柳粒岩岩好，好軟熟～📍Fantasy Coffee湖翠路138號啟豐商場地下1A9號舖

今日想同媽媽慶祝母親節，媽咪提議黎呢度食，我未食過，佢食過話都OK好食，就跟佢黎試下啦。我地得兩個人，叫左三樣嘢，份量都好足，食到尾有我包底，唔怕！🥗煙三文魚田園沙律：好大份新鮮沙律菜，三文魚卷成花既形狀，賣相精緻，胡麻沙律醬唔會太多，呀媽嫌唔夠醬，但我覺得啱啱好。🍕黑松露野菌薄餅⭐️：呢個我地一致認為係今餐MVP！餅底口感鬆脆，食落有烘培小麥既香味，承載住既黑松露芝士餡同樣散發濃郁黑松露味，攞上手時熱辣辣既芝士可以拉絲，味道賣相都相當吸引！🍝千層麵：百幾蚊呢講份量好似少左啲，不過千層麵一般都係呢個Size既，味道都唔錯，唔太酸，唔太乾。

嗌咗3個外賣share食 3樣嘅份量都幾少黑松露大啡菇野菌意大利飯 $148$148一個飯 仲要咁細份 貴到呢🫣Risotto口感唔錯嘅 味道方面就菇味比較重 但就無乜黑松露味🤔燒汁羊肉意粉 $71依個食落淨係得黑椒 好濃味🫠濃到有啲唔係好頂得順茄汁海鮮意粉 $67普普通通嘅茄汁意粉 茄汁味少少酸cafe嘅份量 但係茶餐廳質素🤫之前去堂食過一次 印象中好似都幾好食㗎但今日依個外賣lunch真係搞唔掂 又貴又唔好食

4個人叫左4個餐食羊西冷好食既,個汁好入味羊亦嫩滑Pizza叫左水牛芝士,味道唔錯千層麵協議麵粉城ok不過呢到最大缺點係份量偏少最後埋單668蚊人均167蚊呢間食物係好食既，但份量就偏少4個人4個餐都唔夠食咁雖然呢到唔使加一但晚餐計都算貴下我覺得呢到考慮價錢定平d，人均120-130左右然後野食大碟d，應該會多返d人幫襯總結： 食物：85／100 款式：78／100環境：80／100 性價比：76／100

首先飲品冇味，就連普通嘅朱古力都冇味。。之後啲意粉真係難食到放唔到入口。香辣蒜片欖油大蝦意粉:用辣椒油炒，剩係得個辣椒油味，辣椒都冇，全部都係辣椒渣。。。黑松露大啡菇野菌意大利飯and飛魚籽蟹肉忌廉汁意大利粉又係冇味嘅。其實意粉呢個價錢係正常，但難食就好唔正常。真係好伏！

位於屯門海濱花園嘅Fantasy coffee，肥雞真係第一次去，佢係沿着海旁嘅一間Cafe店，夜晚啲海風吹埋嚟其實幾好feel。肥雞試咗佢嘅大蝦牛油果蟹肉沙律，真係超超超正，佢嘅大蝦比得一啲都唔吝嗇，配埋香甜嘅牛油果同埋蟹肉嘅鮮味，仲有卜卜脆嘅蟹籽，真係超正。嗌咗佢嘅火箭菜Parma Ham Pizza ，呢個Pizza係簡直深得肥雞心，鹹香嘅火腿配埋薄薄嘅批底，食落一啲都唔飽肚，麵粉嘅香味再加埋新鮮嘅火箭菜，真係一啲都唔輸蝕Pizza Hut。再嗌多個香口炸雞軟骨，配啤酒一流。

香辣蒜片欖油大蝦意粉真係超級正！蝦大大舊 同煮得彈口，同埋有啲香口嘅蒜片同欖油醬汁一齊，味道真係一流！每一口都有鮮美嘅感覺，真係食完仲想再嚟一碟！而草莓沙冰真係好正呀！草莓鮮甜Juicy，沙冰冰涼爽口，每一口都好解渴又滋味十足。

同朋友嚟到屯門碼頭呢邊看下海散下心，行去沙灘果陣，沿途經過見到呢間Cafe環境唔錯，就決定要嚟呢到食晚餐啦～香煎煙鴨胸伴薯菜配紅菜頭汁💰HK$148煙鴨胸賣相同色澤都唔錯，但一食落口就感受到好咸，撈埋啲薯菜都仲係好咸，好失望～紅酒汁蒜片牛柳粒💰HK$98味道正正常常，牛肉唔會乾唔會韌～Black Sesame Latte (Hot)💰HK$38見到咁特別即刻叫嚟飲下，點知飲落去冇乜牛奶味，個味道似係一碗得個甜字嘅芝麻糊，有啲伏～Ice Lemon Tea💰HK$28正常味道，穩陣之選～

//Fantasy cafe//位於屯門啟豐商場旁邊嘅Fantasy cafe @fantasycoffeetm 係小編住喺屯門嘅朋友極力推薦😆店內嘅裝潢簡潔偏工業風🍕煙鴨胸蜜糖芥末醬薄餅配料非常豐富上面有芝士、番茄醬、大大塊的鴨胸肉，份量十足酸酸甜甜嘅蜜糖芥末好開胃令人可以胃口大增佢有別於普通嘅pizza薄批皮脆卜卜 口感超豐富🍝卡邦尼意粉係小編認為食過最好食嘅卡邦尼意粉😋麵條彈牙醬汁超濃郁香滑🤩配上煙肉同洋蔥依個組合組合口感同味道都超級正！🥰完全停唔到口🤪絕對係會令人上癮嘅美食享受！😍強烈推薦俾所有意粉愛好者！🍝🫶🏻⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆評分(五星為滿分)⭐️⭐️⭐️⭐️⭐️

趁假期天氣好，當然要周圍搵下好野食，屯門碼頭高質的Café不多，今日就發現附近有間隱世的餐廳，咖啡香！🌟#水牛芝士蕃茄薄餅配料非常豐富，讓人食慾大增。上面有芝士、番茄醬、大大塊，份量十足。薄批皮脆卜卜，yummy~ 🌟#芝士焗肉醬千層麵麵口感煙韌，份量剛好，每層都豐富的肉醬及芝士，十分香口。🌟#冬蔭公海鮮意大利飯青口唔算大隻，清甜爽口，唔錯。海鮮份量唔算多，一樣都係兩隻，但勝在爽口彈牙，飯粒吸滿晒茄汁及高湯的精華，軟硬適中，有嚼勁，食慾大增。🌟#飲品：Hot Hazelunt Latte拉花每位都不同，有驚喜，大大杯，好好飲。整體而言，食物質素唔錯，價格合理，服務周到，但咖啡就貴左少少！