Video
Read full review
2023-02-09
2406 views
係中上環飲茶真係好難搵，尤其係三四點嘅時候，因為好多都已經落埸，所以依間就變咗係少數可以飲茶嘅選擇，款式上就一定冇茶樓咁多選擇，不過都已經叫咗唔差架啦，都幾多嘢食可以選擇，我哋五個人去食都食咗唔少野潮州粉果 皮唔算好厚，入面啲餡料都幾足，味道都唔會過鹹，都叫唔錯乾燒伊麵味道方面就不過不失，但係伊麵太硬，好似未煮夠已經拿去炒，唔太好食，想食粉麵的話，我都係建議叫其他野食會好啲雪山叉燒包我個人覺得係今日依餐中最好食嘅，入面包嘅叉燒餡非常入味，而且又唔會過鹹，包身又軟熟，再配上表面嘅雪山皮真係非常一絕，但係唯一美中不足嘅就係，佢價錢都唔平，但就係得三嚿，如果多人食就唔夠分懷舊糯米雞份量好足，就算五個人分都完全足夠，味道唔會話太過重味，不過應該都係啲工廠一次過整一大堆嘅貨，因為同平時係茶樓食嘅味道沒有太大分別，不過都算係好食嘅，而且份量又多，幾推介春風得意腸腸粉皮唔算係好厚，再加上裡面抱住炸脆咗嘅蝦春卷，一啖食落去好有層次；首先你會先食到腸粉皮嘅軟，同埋醬油嘅味道，再之前就到春卷嘅脆口，最後再到蝦肉餡，唔會太鹹太淡，春卷沒有因為吸到腸粉皮而變得淋身，幾值得食士魷馬蹄肉餅飯 蒸飯配上甜豉油永遠都
潮州粉果
皮唔算好厚，入面啲餡料都幾足，味道都唔會過鹹，都叫唔錯
乾燒伊麵
味道方面就不過不失，但係伊麵太硬，好似未煮夠已經拿去炒，唔太好食，想食粉麵的話，我都係建議叫其他野食會好啲
雪山叉燒包
我個人覺得係今日依餐中最好食嘅，入面包嘅叉燒餡非常入味，而且又唔會過鹹，包身又軟熟，再配上表面嘅雪山皮真係非常一絕，但係唯一美中不足嘅就係，佢價錢都唔平，但就係得三嚿，如果多人食就唔夠分
懷舊糯米雞
份量好足，就算五個人分都完全足夠，味道唔會話太過重味，不過應該都係啲工廠一次過整一大堆嘅貨，因為同平時係茶樓食嘅味道沒有太大分別，不過都算係好食嘅，而且份量又多，幾推介
春風得意腸
腸粉皮唔算係好厚，再加上裡面抱住炸脆咗嘅蝦春卷，一啖食落去好有層次；首先你會先食到腸粉皮嘅軟，同埋醬油嘅味道，再之前就到春卷嘅脆口，最後再到蝦肉餡，唔會太鹹太淡，春卷沒有因為吸到腸粉皮而變得淋身，幾值得食
士魷馬蹄肉餅飯
蒸飯配上甜豉油永遠都係冇得輸架啦，肉餅份量都多，基本上每一啖都可以食到士魷（同事覺得太好食所以自己食咗一個）當將肉餅撈勻一齊食之後，這個真的好容易食晒一整碗
香茜牛肉腸
完全食唔到芫茜嘅味道，但係裏面啲肉餡都唔係好食得出係牛肉，所以變相一啖食落去淨係食到啲豉油味同埋啲唔知咩肉嘅肉餡，而且腸粉皮比起春風得意腸厚身好多，所以不太推薦
紅油炒手
剛好五粒，可以一人一粒，唔算好辣，所以就算唔係好食得辣都ok，唔會話食完就要飲好多水咁；雖然唔可以話係皮薄陷靚，但都唔會話皮好厚，然後肉陷就好細嚿咁，不過因為醬汁都算濃味，所以唔係好食到肉陷係咩肉，不過整體來講都ok
蒸奶皇流沙包
唔係好甜，所以自己食晒一個都唔係好膩，流沙做得唔錯，唔會話淨係得少少做咗流沙，而係基本內陷都係流沙，所以食嘅時候要小心啲，唔係好容易整污糟咗自己衣服
唔記得咗咩名（前面三個好似柿嘅東西）
係新年特別菜，所以專登叫嚟試試，外面嗰一層嘅質感有啲似地瓜圓，最頂嗰啲應該係裝飾唔食得嘅，內陷就係蓮蓉餡，所以依個都幾飽肚，味道就不過不失咁
鹹水角（後面）
真係食得出係新鮮炸出來，唔係一早炸定等你叫先翻炸，不過味道同平時去茶樓食嘅差唔多，冇咩特別
整體來講，味道方面係唔錯，但係時間許可的話，都係去茶樓食會比較好少少，會坐得舒服啲
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
Post
