聚點坊小廚

Open Now

Now Closed

同朋友兩個lunch想食點心飲茶醒起平時經過蘇杭街有間排晒長龍嘅點心店今日一於早啲12點左右入座12點半後開始出現人龍啦我倆多年飲茶經驗都覺得依間食物比其他茶樓高質👍🏻而且店員叔叔姨姨都好好人會提我哋小心熱又會主動拎多個碗比我哋share‼️推薦‼️淮杞燉螺頭湯 $60返工辛苦啦同朋友一人一盅燉湯滋補一下淮杞燉螺頭湯湯底鮮美，螺頭肉質鮮嫩，淮山和枸杞營養豐富，每一啖都充滿鮮甜與藥材的清香，滋補又不油膩，飲完都覺得好補呀😌‼️推薦‼️奶皇流沙包3件 $25可選蒸/炸，平時都冇試過炸嘅，一於試吓新嘢炸奶皇流沙包，炸完嘅包外皮金黃酥脆就等於平時食炸饅頭嘅質地，內餡濃郁流沙醬香甜滑順，甜甜哋就好似煉奶咁，輕咬一口，流沙瞬間濺出，真係有驚喜！沙嗲金錢肚 $48肉質鮮嫩，搭配獨特嘅沙嗲醬，微辣而香醇蟹籽燒賣皇4粒 $35外皮薄透，內餡豐滿，蟹肉鮮甜，蟹籽點綴其上，增添了色彩與風味春風得意腸 $32腸粉色澤誘人，香氣四溢，春卷餡由新鮮嘅蔬菜、肉類同埋香料混合而成，口感清脆，每一口都充滿層次感甜品：蓮蓉西米焗布甸 $29布甸外層金黃酥脆，內餡綿滑細膩，蓮蓉嘅香甜與西米嘅Q彈完美結合。每一口都帶來香濃嘅口感，甜

喺上環會一會韓國朋友韓國朋友話想食這一間點心店估唔到係勁多人勁多遊客等位， 前面排隊最前嘅係韓國人+外國人等差唔多10分鐘就入到，完全坐滿餐牌有每樣嘢食物嘅相片好貼心方便遊客可以睇圖片就揀到燒賣有四粒，係港式嘅味道牛肉球好大粒， 帶一點陳皮的味道叉燒腸， 皮薄夠滑， 叉燒腸有港式的味道春卷好貼心咁已經剪開咗，外皮夠脆裏面餡料夠多另外食完個底都唔會覺得佢好油膩仲叫咗菜苗餃同埋雪山叉燒包奶黃包，夠熱夠流心韓國朋友食得好驚喜 整體因為遊客朋友咩都想 兩個人叫得比較多餐廳茶錢只係六蚊一位，冇加一覺得價錢都好貼地

🥢鮮蝦餃是廣東飲茶的經典之選，以其薄透的餃皮和新鮮的蝦仁而聞名。蝦仁選用最新鮮的海蝦，經過精心剁製，保留了蝦肉的原汁原味。搭配少許豉油或辣椒醬，更能突顯其鮮甜味道。在品嚐這道菜時，不妨慢慢享受每一口，讓那清新的海味在口中散開。🥢蜜汁叉燒腸是另一道不可錯過的點心。這道菜以滑嫩的腸粉為基底，包裹著香甜多汁的叉燒，口感層次分明。叉燒肉質經過醃製後再烤制而成，外焦內嫩，蜜汁更是為其增添了獨特的風味。每一口都能感受到叉燒醬的甘甜與肉質的柔軟，讓人忍不住想再來一份。🥢蒜香炸春卷！這道春卷外皮炸至金黃酥脆，內餡則是由新鮮蔬菜和肉類混合而成，蒜香味十足。每一口都能感受到外皮的酥脆與內餡的鮮美交織在一起。搭配甜辣醬，更能提升整體風味，是開胃小吃中的佼佼者。在聚會或家庭聚餐中，它總能成為桌上的焦點。🥢鳳爪排骨飯是一道非常具代表性的廣東米飯料理。排骨經過長時間慢煮，使得肉質鮮嫩多汁，而鳳爪則是經過獨特調味後入味十足。這道菜不僅色香味俱全，更是營養豐富，非常適合各年齡層的人士享用。搭配香米飯，每一口都充滿了肉香與米香的完美融合。🥢蓮蓉西米焗布甸（熱）作為甜品，蓮蓉西米焗布甸熱食時口感滑順，是結束一餐完美的選擇

這頓抵食的點心午餐提供了多款經典的中式點心，適合與家人和朋友共享。以下是各道菜式的介紹：1. **鮮蝦餃** ($38): 包裹著新鮮蝦仁的蒸餃，外皮薄而透明，口感滑嫩，鮮味十足。2. **沙嗲金錢肚** ($27): 使用金錢肚（豬肚的一種）製作，搭配特製沙嗲醬，風味獨特，香氣撲鼻。3. **澳洲鮮蝦腸粉** ($33): 腸粉是一種米漿製作的蒸捲，裡面包著新鮮的澳洲蝦，滑嫩可口，搭配醬油更添風味。4. **雪山叉燒包** ($19): 這款包子內餡是香甜的叉燒肉，外皮鬆軟，經蒸熟後非常美味，十分受歡迎。5. **鳳爪排骨飯** ($37): 這道菜由鳳爪和排骨組成，搭配飯一起食用，味道豐富，讓人滿足。6. **白灼時蔬** ($16): 這道菜包含各種時令蔬菜，清爽可口，為整頓餐點增添健康元素。7. **茶位基本收費** ($6): 這是飲茶的基本收費，讓用餐體驗更加完整。這頓午餐不僅價格實惠，而且種類豐富，讓大家享受到多樣的中式美食

聚點坊一向幾受歡迎，今晚嚟到都坐滿晒，好彩店員做嘢快手，等咗一陣就入到座蒸點好出色，餃同腸粉皮好滑，完全唔粉唔黐牙，爆餡，菜同蝦都滿滿馬拉糕好驚喜，而家好少見呢種正宗同傳統嘅蔗糖馬拉糕，口感好面好滑炸奶王包亦係另一驚喜之選，喺其他地方未食過，脆卜卜嘅口感，邪惡嘅流心，香氣十足咸水角又脆又煙韌，餡料亦足大大兜鳳爪排骨飯，蒸飯有陣排骨嘅香味，排骨口感軟腍時菜又新鮮又乾淨雪耳雪梨糖水好清甜解渴，啖啖都食到雪梨肉同雪耳，滋潤之選點心選擇好多，款款都好吸引，小店座位擺得密少少，整體環境乾淨舒服，性價比唔錯

🍽️ 打卡上環點心店，古色古香超有feel！🌟 無論是白領一族還是遊客，都愛這裡的點心！排隊雖然辛苦，但美味值得等待～🥟 選擇多到讓人眼花繚亂！所有想吃的點心❤，燉湯炒飯粉面油菜，一應俱全。每樣點心都手工製作，保證新鮮又好吃。💰 價錢實惠，不會讓你荷包大失血。這裡是饕客的天堂，無論是獨自享受還是與朋友共享，都能滿足你的味蕾。1 淮杞燉螺片湯火候足，食材正，湯鮮味美。2 鮮炸鰱魚球魚肉，陳皮，臘味，炸到金黃色。3 聚點坊鮮蝦餃鮮爽大蝦仁，皮簿餡美。4 蒜香豆苗餃豐盛翠綠豆苗加蝦肉。5 蒜香炸春卷極品香脆外皮，蒜香特別惹味。6 白灼靚菜心嫩嫩的菜心，蠔油提鮮。7 沙爹金錢肚煮得剛剛好的金錢肚，配上羅蔔最好。

起29/11，因為同親戚走左去上環，所以入左呢間店試下。環境似舊式茶樓格局，不過都算乾淨。我同我親戚當時就叫左唔同架點心同飯。點樣果邊就講過佢地嘅點心係手工整成。當時最為推薦嘅就係手工炸流心奶黃包，外脆內軟，奶黃會爆出來，超正。煎蛋牛肉飯都唔錯，牛肉新鮮，飯味都唔錯。素鮮竹卷食材都幾豐富下。整體來講手工點心幾好幾新鮮，值得食下。

平時食開連鎖大牌子酒樓朋友介紹：不如試吓呢間點心小店門外長期排隊 深受歐美日韓遊客歡迎食過一次之後 都忍不住回頭幾次店內點心全部自家新鮮製作 非攞貨Hea你 絕對有誠意特別推薦：蒜香炸春卷 雪山叉燒包 乾炒牛河乾炒牛河真心有驚喜 炒得很香很乾身 河粉煙煙韌韌 雪山叉燒包絕對比得上大牌米芝蓮點心 轉香炸春卷點醋 香口得來又不會太滯亦都試過佢嘅招牌春風得意腸 有別於一般用油炸鬼蝦滑 店家係春卷做餡 所以更加脆口 唯一覺得腸粉皮可以做得更薄 略嫌有啲厚粉總括而言，絕對值得一試的點心店

紮根上環嘅聚點坊，相信街坊同上班族都唔陌生，今日我哋午市時間去，目測9成滿座，唔需要等位，唔算闊落，志在嘆番一盅兩件。先嚟春風得意腸，熱氣騰騰，內裏嘅腐皮卷夠脆，而醬汁甘甜，可謂開個靚頭。淮山雞扎，包裹喺腐皮下嘅冬菇、魚肚、雞肉、淮山好似一幅描畫山水同飛鳥嘅水墨畫，內容豐富而輕描淡寫，試得出餐廳對食材嘅處理。我哋嘅第一感受係：不過不失啦。而點心之王嘅蝦餃，就比到少少驚喜，蝦餃皮厚薄彈性適中，蝦肉彈牙爽口，筍粒帶嚟些微清爽，平民點心嚟講，加上堂食熱辣辣有加成，冇挑剔嘅位。相反，我哋每次飲茶，或者食上海嘢都必嗌嘅小籠包，偏厚嘅皮遇上蒸得太耐嘅問題，令到口感過硬同「食麵粉」嘅感覺，湯汁唔多亦有啲扣分。廣東酒樓每枱一盅嘅鳳爪排骨飯，我哋偏好硬飯同多汁，硬橋硬馬，唔會暴露肉類，特別係排骨嘅雪藏味。呢盅飯就正好滿足上述條件。成餐飯嚟講，茶水就一定冇茶樓咁靚，呢度嘅點心夠熱，「一熱遮三醜」，至少食得滿足。食物味道偏濃，健康路線嘅朋友或者老人家要注意。印象中聚點坊係COVID期間頭幾間出現個案嘅鋪頭，好彩捱過疫情，唔係嘅話街坊街里又少一個嘆平民點心嘅聚處(5個點心加茶水大概150，中上環嚟講算make

樓面有兩個上菜嬸嬸 兩位男士。四個人服務過五十人嘅樓面。非常之頻撲。第一次問疑似經理嘅男士攞辣椒醬，等左幾分鐘見佢來來回回幾次都未有，於是再問。今次佢立刻有俾。之後牛肉球覺得喼汁唔夠。老實講見到四個樓面無時停都唔知問邊個好。已經一路觀察佢地面色係咪好忙，等嬸嬸A上完菜回程先問其中一個。佢好似聽到 但係無任何回應。於是我再等幾分鐘，都係無。我啲牛肉球已經開始涼。於是又觀察下等另一個嬸嬸B上完菜回程先問，佢亦都無俾回應我。等左一陣，都無。咁唔知係咪上菜嬸嬸係唔負責其他服務只係負責上菜啦。於是我問貌似經理嘅男士。呢五次我每次都係正常有禮貌咁問 唔該可唔可以俾辣椒醬/喼汁我。老實講我覺得我已經好體諒佢地忙。食飯變左觀察邊個得閒，叫左要估究竟等幾多分鐘先知佢地係唔記得定聽唔到....見佢地咁忙 我都覺得算數，無投訴亦繼續保持禮貌。咁呢次問呢個經理，佢有即刻俾喼汁我，而嬸嬸B又咁岩又俾喼汁我，然後呢位經理就辣慶左啦。佢話類似係”你問幾個人攞野 我地好唔得閒點點點” 我話”問左幾次所以再問呀。”（老實講我一啲唔耐煩唔客氣都無反而俾你鬧翻轉頭，你唔係唔知你樓面嘅人真係會唔記得野 或者要再

呢間餐廳我覺得主要都係招呼啲外國人台台都係講英文人少d見到本地呀佰你可以攞個指標冇乜本地阿佰多英文人都應該唔係嗰回事不過勝在價錢幾平好唔好食就見仁見智啦都勉強可以落肚呢間嘢出奇地都叫做有啲service 總括嚟講以呢個價錢冇乜嘢投訴唯一我覺得唔好嘅就係佢嘅炸嘢有油益味當佢一間快餐點心店啦

我由細到大都對點心還好 但係公司啲外籍同事好鍾意茶記/點心 所以得閒就會陪佢地食🤍 佢哋好鍾意食呢間聚點坊 所以我都試過幾次👀 個人覺得味道普通 但係勝在有道地既感覺 所以我都明點解同事會鍾意🫣 不過開關之後最近去過一次 本身全部香港人食既鋪頭有好多檯都睇得出係旅客🤔 平時好容易搵位都變到要等 上菜速度亦都慢咗好多🥲 慢都明既 始終好忙～ 但係最唔好受既位係啲外國人問啲姐姐嘢 佢哋會好開心咁同啲外國人傾計 但係我想要水/辣椒油嗰啲又唔理我 我啲外國同事一舉手就好熱心咁衝過黎💩✨ 雪山叉燒包💲 24呢類叉燒包始終添好運最好食 但係都皮薄餡靚的 係好食既 🤍✨ 蝦餃💲 35皮唔厚 但係味精味有啲重✨ 蟹籽燒賣皇💲 32幾彈牙！但係都係略顯味精味有啲重✨ 糯米雞💲 33正常糯米雞既味✨ 燒汁蒸釀茄子💲 32如果唔係外籍同事話好食要嗌 我都未試過食點心食茄子🤣 即叫即整所以好熱 食既時候爭啲辣親🤣 幾得意既 但係略嫌啲芡太杰✨ 春風得意腸💲 29類似炸兩 食完會好飽 所以幾抵食

係中上環飲茶真係好難搵，尤其係三四點嘅時候，因為好多都已經落埸，所以依間就變咗係少數可以飲茶嘅選擇，款式上就一定冇茶樓咁多選擇，不過都已經叫咗唔差架啦，都幾多嘢食可以選擇，我哋五個人去食都食咗唔少野潮州粉果 皮唔算好厚，入面啲餡料都幾足，味道都唔會過鹹，都叫唔錯乾燒伊麵味道方面就不過不失，但係伊麵太硬，好似未煮夠已經拿去炒，唔太好食，想食粉麵的話，我都係建議叫其他野食會好啲雪山叉燒包我個人覺得係今日依餐中最好食嘅，入面包嘅叉燒餡非常入味，而且又唔會過鹹，包身又軟熟，再配上表面嘅雪山皮真係非常一絕，但係唯一美中不足嘅就係，佢價錢都唔平，但就係得三嚿，如果多人食就唔夠分懷舊糯米雞份量好足，就算五個人分都完全足夠，味道唔會話太過重味，不過應該都係啲工廠一次過整一大堆嘅貨，因為同平時係茶樓食嘅味道沒有太大分別，不過都算係好食嘅，而且份量又多，幾推介春風得意腸腸粉皮唔算係好厚，再加上裡面抱住炸脆咗嘅蝦春卷，一啖食落去好有層次；首先你會先食到腸粉皮嘅軟，同埋醬油嘅味道，再之前就到春卷嘅脆口，最後再到蝦肉餡，唔會太鹹太淡，春卷沒有因為吸到腸粉皮而變得淋身，幾值得食士魷馬蹄肉餅飯 蒸飯配上甜豉油永遠都

D野好難食，又油，尖椒整到好老同苦，d餃同腸粉皮好厚⋯蘿蔔糕勁油，仲要一夾就散哂，燒賣完全冇豬肉味，d人態度又差，拎左辣椒醬唔比拎辣椒油⋯食點心第一次⋯野都未食完就收走碟餸。環境都好差，個地好油好跣，杯碟又油又唔乾淨，連menu 都可以油林林⋯唔明點解仲有咁多人排隊食⋯d野油到食完頂住個胃想作嘔，真係完全搞唔掂⋯一定一定唔會再去，最慘係附近冇乜點心店，如果唔係都唔會揀佢⋯收費又貴，背景聲音又好滋擾，真係冇樣掂⋯茶介收10$，咁不如食酒樓仲好⋯

🔸蟹子燒賣王 $34 / 4件普通，正常發揮 唔係難食，但係唔會話好好食🔸蜂巢炸芋角 $31 / 3件幾好食，全部野最好食嗰一樣 價錢就有啲貴成十蚊舊，但好細舊🔸懷舊糯米雞 $34 / 1件 好失望！細舊咗好多！😪本身嚟就係主要食呢個點知同以前爭好遠以前好多料好大嚿而家完全唔特別😢🔸 炸奶黃流沙包 $24 / 3件就係炸咗嘅奶皇包冇乜特別奶黃料唔多，唔好太有期望🔸 古法馬拉糕 $23 / 1件正常發揮🔹環境：有啲污糟，啲碗碗碟碟筷子有啲油 🗣茶位：$4，不需加一-時段及等候時間：星期六 晚上 ～0分鐘-味道：5/10性價比：5/10回頭率：3/5-#聚點坊小廚 📍上環蘇杭街78號太興中心二座低層地下