水剌韓饍 (Closed)

環境同韓國街既餐廳大相逕庭，好寬敞，坐得舒服，乾淨好多。先有前菜。泡菜，即叫即做，同前菜小碟泡菜好唔同。菜好新鮮，十分爽脆。豬手炆到D皮食落一D都唔會覺得肥或者油，但肉又唔會嚡。口感好好，但味道一般，醬味道都麻麻。炒年糕唔錯，年糕軟硬適中，辣得惹味，略嫌甜左少少。石頭飯有幾款，叫左八爪魚，賣相好靚，味道都唔錯，八爪魚帶少少辣。不過份量真係細得過份。炒粉絲粉得幾香口，唔油膩，幾好食。春川炒辣雞好好食，醬汁辣度適中，帶少少甜，拎黎撈白飯都得。雞肉未去到嚡，但唔算嫩。薯仔同蘿蔔大大舊，同埋洋蔥，全部都好入味食完之後有杯醋，清清個口同味蕾，好fresh。服務都唔錯。韓國街有風味D，但水剌有服務同環境。