振興肉丸

Open Now

Now Closed

抗疫期間較多在家煮食， 急凍嘢真係儲糧嘅最佳首選。 相信好多人屋企都係冰箱滿個雪櫃嗰層。這天經過鵝頸橋街市嗰邊， 看見這間《振興肉丸》， 大部分都係急凍肉類， 足足有五六個大雪櫃放滿唔同種類嘅肉丸，凍肉， 相信點都有一款啱食～門口仲有啲即炸嘅魚蛋，魚腐，魚角~~《振興肉丸》主打無添加零防腐劑嘅健康丸子， 自設工場全部香港製造，而且有認證， 屋企人食得安心！因為選擇太多～ 揀了一會， 還是選一些常吃的款式。烚煮嘅時候， 假如係比較平價的丸子， 麵粉較多 熟左滾起之後體積發大一倍， 這四款丸子都冇這個情況，證明真材實料！ 而且冰得耐嘅丸子有陣雪味， 這四款都沒有雪味。《黃金麻吉燒》近來好興嘅特色丸子， 炸過的魚塊包住糯米， 外皮香口， 魚肉彈牙，先吃到是魚蛋質地， 接著是軟糯的餡， 雙重口感！《牛筋丸》咬落肉味好濃， 天然嘅肉香， 冇過份嘅調味， 肉質緊緻彈牙， 十分推介!《健康豬香菇貢丸》現在『健康豬』好流行， 曾經喺街市見過 專賣健康豬的肉檔。 香菇貢丸肉質結實，爽口！《仿龍蝦丸》龍蝦丸，唔算粉多， 因為不是濃味丸子， 一般很難蓋過雪藏味， 還好這款冇這問題。 顏色鮮豔小朋友最喜歡。