Video
Read full review
2018-12-26
2803 views
之前有朋友推介去龍門食海鮮好抵，趁媽媽生日一於去試下一去到門口就見到長腳蟹特價，岩晒，我地都想試下佢既長腳蟹，但要預訂先有酒送啊 唔緊要，入去坐低再慢慢研究因為訂左位，完全唔駛等位就可以入座我地被安排坐喺滷水隔離，岩啦！我上次見朋友碟滷鵝肝好吸引，裝下先⋯⋯點知阿姐話呢幾日假期滷水師父休息，無緣試到啦⋯⋯一坐低啲阿姐就好熱情咁黎推介長腳蟹特價，跟住又拎隻澳州龍蝦黎話特價$880，眼見隻龍蝦真係好大隻，$880好抵呀！不過，阿姐們真係熱情左少少，我地由未齊人到齊人揀緊餸，應該都見左嗰隻龍蝦三四次 😅最尾決定叫一隻長腳蟹（雖然我地無預訂，阿姐照送左枝紅酒比我地啊）、黑醋一字骨、避風塘瀨尿蝦肉、群翅雞湯浸粗糧、脆皮炸豬手、蒜蓉開邊蝦蒸糯米飯首先上枱既係黑醋一字骨，啲汁令立立，好香醋味，份量足 急不及待夾一舊，酸酸甜甜好開胃，熱辣辣，肉質都好好，每舊都比汁包住晒，咬落仲有少少脆脆地，一流！再黎就避風塘瀨尿蝦，好多人怕食瀨尿蝦就係因為怕剝殻，呢味餸就岩晒啦！一上枱，又係聞到好香蒜味，真係忍唔住手要即刻夾！ 要起肉起得咁完整，真係非一般既功夫之後就黎個清清地既群翅雞湯浸粗糧，入面有群翅，番薯，淮
一去到門口就見到長腳蟹特價，岩晒，我地都想試下佢既長腳蟹，但要預訂先有酒送啊 唔緊要，入去坐低再慢慢研究
因為訂左位，完全唔駛等位就可以入座
我地被安排坐喺滷水隔離，岩啦！我上次見朋友碟滷鵝肝好吸引，裝下先⋯⋯
點知阿姐話呢幾日假期滷水師父休息，無緣試到啦⋯⋯
一坐低啲阿姐就好熱情咁黎推介長腳蟹特價，跟住又拎隻澳州龍蝦黎話特價$880，眼見隻龍蝦真係好大隻，$880好抵呀！
不過，阿姐們真係熱情左少少，我地由未齊人到齊人揀緊餸，應該都見左嗰隻龍蝦三四次 😅
最尾決定叫一隻長腳蟹（雖然我地無預訂，阿姐照送左枝紅酒比我地啊）、黑醋一字骨、避風塘瀨尿蝦肉、群翅雞湯浸粗糧、脆皮炸豬手、蒜蓉開邊蝦蒸糯米飯
首先上枱既係黑醋一字骨，啲汁令立立，好香醋味，份量足
急不及待夾一舊，酸酸甜甜好開胃，熱辣辣，肉質都好好，每舊都比汁包住晒，咬落仲有少少脆脆地，一流！
黑醋一字骨
$118
124 views
0 likes
0 comments
再黎就避風塘瀨尿蝦，好多人怕食瀨尿蝦就係因為怕剝殻，呢味餸就岩晒啦！
一上枱，又係聞到好香蒜味，真係忍唔住手要即刻夾！ 要起肉起得咁完整，真係非一般既功夫
避風塘瀨尿蝦肉
$288
132 views
0 likes
0 comments
之後就黎個清清地既群翅雞湯浸粗糧，入面有群翅，番薯，淮山，雲耳，雞髀菇，絲瓜，翠肉瓜
湯底鮮甜，啲菜同粗糧都好鮮
群翅雞湯浸粗糧
$98
65 views
0 likes
0 comments
跟住就上長腳蟹啦 不過略嫌斬得細件左少少同埋可能斬到咁樣先去蒸，啲肉縮左好多
不過蟹係新鮮既，膏亦都多，鮮甜味美！
食蟹既中途，仲不停有阿姐幫我地換碟，有個瘦瘦戴眼鏡既阿姐態度一流！佢好斯文，好好笑容，好怕有啲一行埋黎就聲大大或者好似大媽咁，雖然大聲又唔代表佢無禮貌
清蒸阿拉斯加長腳蟹
$988
73 views
0 likes
0 comments
岩岩開始拆蟹，蒜蓉開邊蝦蒸糯米飯就到，又係好香好香⋯⋯香到係忍唔住要掉低隻蟹食左個飯先
糯米煙煙靭靭，完全無浸過籠/蒸過火，上乘
蒜蓉開邊蝦蒸糯米飯
$148
92 views
0 likes
0 comments
最後就係脆皮炸豬手，呢度既價錢同出面比絕對唔平，要$188。不過媽媽話想食就叫啦！呢味餸而家好多餐廳都有，但有啲會唔夠脆，搞到啲皮好靭或者食落好肥。食左咁多味好餸，對個豬手我地都好期待！
黎到果然無令我地失望，啲皮脆到好似薯片咁，仲要一啲肥膩感都無⋯⋯
脆皮炸豬手
$188
66 views
0 likes
0 comments
食到好滿足，最尾埋單，阿姐仲免左我地茶錢
埋單$2044/6位，呢個地理位置+味道+用料，絕對抵食！
最後，見好多食評都寫唔駛加一/茶芥/開瓶費等雜費，唔知係假期關係還是而家改左，我地呢餐飯係有收加一同小食錢。另外見好多人都有糖水送，我地當晚都係無既。拎門口啲菜單諗住睇下忘不了餐，可能就過年關係，啲菜單全部都只係斑類，無忘不了，價錢亦無睇之前啲食評咁平
不過呢度都絕對係會encore既一間鋪，味道同份量真係一流，但如果海鮮類唔係特價的話，價錢就絕對唔係平。下次encore，要試下滷水同埋有機會要試下魚王忘不了
Post
