台蔡滷肉飯

Open Now

Now Closed

今日試到呢一間成日排隊嘅台灣小店，味道係唔錯不過價錢略高而且服務仲有改善嘅空間。九層塔鹽酥雞餐係呢度嘅招牌菜之一，所以梗係要會一會佢啦，味道唔錯，鹽酥雞夠乾身但係又唔會油淋淋，不過就食唔出九層塔嘅香味，咕嚕肉飯都ok嘅，盛惠$73，加咗杯凍嘅仙草茉香奶茶，$15唔係大杯而且啲仙草量比較少，唔係好抵。另一個餐就係藥膳排骨麵，個湯嘅藥材味好濃好好飲，不過啲排骨就冇藥材味，似乎唔係一齊煲嘅。仲嗌咗個小食，就係呢個起司蛋餅，$36，食落去覺得比較豐富，我都係鍾意台灣嗰種最簡單最普通嘅蛋餅多啲。