Casa Cucina

Open Now

Now Closed

朋友生日，book咗呢間餐廳慶祝，見OpenRice啲相好似環境食物都幾靚，好可惜嚟到之後有啲失望，空間有啲迫，嘢食賣相都普通，而且味道一般般，而埋單嘅價錢以呢一個飽足度同食物味道嚟講都幾貴下。牛面頰肉闊條麵味道都係普通嘅牛肉意粉，落咗紅椒，個椒味都有少少重，如果唔鍾意食紅椒味嘅慎選。啲麵比較硬，平時我鍾意食手工意粉，食拉麵都鍾意叫硬麵，但呢個真係覺得有啲硬。和牛里脊比較好食既一道菜，叫左8oz medium，有牛味， 不過脂肪分布係一邊一大舊，上菜唔係好熱。飲品叫左兩杯mocktail，味道正常但顏色嚇人。Basque cheesecake冇寫明味道，但我哋直落覺得係香茅芒果味，上層香茅下層芒果，質感同味道都唔係幾得。不過生日隻碟手字寫得幾靚。兩個主食，兩杯嘢飲，一件蛋糕，完全食唔飽，兩人食埋單880，我就覺得份量同味道都完全唔值喇，唔係真係話超差好難食，但收得呢個價錢應該要好味啲，唔知點解OpenRice咁多好評，完全失望。