小皇國甜品 (Closed)

今日 同朋友行完朗豪坊 ，見都有少少想食糖水，就去咗附近找糖水，最後我哋見到朗豪坊隔離有一間叫小王國的甜品店，就入去試試 。入到去坐位都算唔錯，食物都有中西式，最後選擇咗兩個熱嘅中式甜品 ，椰皇蛋白湯圓加芋圓 ，椰皇味唔算話好濃，但係都夠味可以，蛋白都幾香，而且口感都唔錯，湯圓煮得可能太耐，所以皮都比較偏淋身，入面一粒花生一粒芝麻，味道都一般，芋圓太淋身，同埋味道有點怪，唔好食，而我就叫咗個腐竹雞蛋糖水腐竹糖水，味道唔錯，而且都幾足料，仲有少少白果 雞蛋正常冇乜特別 。但整體嚟講味道都還可以，價錢77蚊，價錢合理。