小皇國甜品 (Closed)

係旺角食完飯又想食糖水吹下水 叫左3個甜品 但3個既味道真係有好大進步空間😥▫️芒果拿破崙🤦🏻‍♀️❌完全唔係拿破崙 無酥脆感之餘 仲要只係三塊薄脆片 就好似零食個啲粟米片甘夾住啲吉士醬同芒果一切落去全部解體 散哂中間啲吉士醬得死甜味 芒果無芒果味 完全唔合格 仲要成$52蚊 ▫️楊枝甘露冰🙅🏻‍♀️成個冰完全係化學藥水既芒果味出面現成芒果糖漿個隻味 仲要勁甜 以為佢係綿綿冰個隻口感 但佢係普通沙冰個隻▫️抹茶戀曲算係3個入面比較正常 甜度算正常我唸最主要係個現成雪糕救全家🥶但入面啲小丸子真係唔掂啲小丸子淋到已經唔係完整一粒粒🍡係介乎係一pat野同一粒粒之間口感就係一pat野甘🤦🏻‍♀️⁣⁣⁣

食完正餐經常都會想食啲甜嘢，又係時候帶住甜品胃😎出發，見到哩間甜品店無咩人就入左去先。椰王湯丸燉蛋白 $55睇個樣好似唔錯咁，點知入口就顛覆咗我嘅睇法。 🥥椰汁底偏甜，燉蛋白過晒火，好老啲蛋白，仲連椰肉同蛋白都變咗紫粉色。芋圓同湯圓都好淋，口感好糊口😖。楊枝甘露 $38糖水底嘅芒果汁係好假嘅芒果味🥭，而且超甜。柚子只有面頭幾條，芒果肉就比較爛，似係熟過頭🙅🏻‍♂️。小丸子都係淋，算係唔錯就係超多西米。之前睇人哋介紹都唔錯咁，唔知係忽然水準下降，希望作為同路人會有所改善💪🏻。

今晚在朗豪坊和朋友食完飯都9點幾，商場内的甜品大部分都關10點，完全冇地方可以下場！後尾就嚟咗呢間喺朗豪坊對面嘅糖水舖，地方比較細，入面得幾張枱，加露天兩三張台！等咗一陣就有位，地方比較舊，坐得唔係太舒服！不過算係有個近的地方可以傾吓計！我哋今次揀咗楊枝甘露冰，味道唔錯都幾冰凍，又叫咗個哈密瓜🍈糖水，味道非常普通有啲失望，又唔夠冰凍，建議大家唔好叫！朋友又叫咗個心太軟，剛剛焗好味道好香，再配埋個雲呢拿雪糕，都算唔錯！

我剛剛在「旺角」「上海街」附近光顧潮州粉麵餐廳，食完一碟港式「咖喱牛腩飯」和一碗「柱侯牛腩河」之後，結賬後離開食店不久，就在店舖附近，找到甜品餐廳「小皇國甜品」。於是我立刻想光顧「小皇國甜品」和享用甜品，可惜「小皇國甜品」食店店舖實際面積非常有限，食店裡面都已經坐滿了食客，迫使我需要等候座位一段時間。等候入座期間，我一路嘗試翻閱「小皇國甜品」的餐牌，看看「小皇國甜品」裡面有什麼甜品可以享用。結果我發現「小皇國甜品」大多都是以港式甜品為主，偏好日系或者韓系甜品的人，或許可能會有點失望了。例如「小皇國甜品」裡面的「刨冰」甜品，「刨冰」主要都屬於「棉花冰」，跟一般港式甜品店裡面，由不同甜味材料冰塊作為基礎磨出來的台式「雪花冰」十分相似。但是我還是偏好由甜味牛奶作為材料，由機器磨碎砌成的「牛奶雪花冰」多一點，起碼「牛奶雪花冰」的牛奶甜味，感覺會比較像韓式「雪奶冰」，只是韓式「雪奶冰」裡面多數是「雪粉」，質感沒有「棉花冰」那麼厚而已。所以我一看見，「小皇國甜品」「刨冰」餐牌裡面有「牛奶棉花冰」，下意識立刻鎖定了享用「牛奶棉花冰」。至於「小皇國甜品」的「棉花冰」還有其他配料，包括「士多啤梨」、「啫

成10點先旺角做完嘢，太夜唔想食正餐就走咗入朗豪坊附近搵甜品食。同朋友2個人去食咗芒果雪花冰同糖不甩，咁佢個楊枝甘露冰都幾大幾足料，價值$50，同埋我覺得價錢嚟講都叫接受到係同區嚟講，不過我覺得略然有啲甜同埋有少少唔太天然嘅芒果味，但整體嚟講我覺得都ok。另外糖不甩方面就$29蚊，我自己就唔太鐘意佢依間嘅糖不甩，因為椰絲味太重，但係佢個糖不甩係做得好硬剛剛好，唔會話一入口成pat嘢/太多粉好實咁。下次應該會想試埋佢個芭菲，睇到隔離枱食金好似幾正咁😋😋

本來想去五代同糖，太耐冇喺旺角食糖水嘅關係連佢執咗都唔知，朋友就帶我嚟咗呢間黃店，睇menu 個個都好吸引，最後揀咗個益力多達人，嚟到個賣相都唔錯，面一層太多嘢，冇辦法落個益力多住，就食咗個雲尼拿雪糕先，伏到嘔⋯泥膠味，算！可能係我唔識欣賞，轉食菠蘿⋯超級酸！算！可能係罐頭菠蘿冇揀過，雪糕食到一半真係頂唔順，先諗起有練奶係到，淋上去之後，真係好食好多，全部變哂練奶味，練奶嘅作用原來係咁，食到咁上下終於到主角益力多刨冰，由於冇及時落，啲冰痴哂一齊，咁就照落等佢溶溶地先再食啦，食咗啖真係想講粗口，益力多並唔係大家市面上個種益力多，滿懷期待嘅益力多只係活乳酸菌味，其實算唔算係違反商業說明條例呢！？最後未食哂已經走咗。

終於出街啦,呢排為左省返個口罩街都唔敢出,呢日約左朋友黎食甜品 一早計劃好黎食呢間,舖位唔難位,同朗豪坊好近晏就時間黎無客人,得我地一枱落單之後大概等左十五分鐘甜品先開始一個一個咁到黎到時都有啲失望,個芝麻糊係灰色唔係黑色ge食落時個豆腐花就無乜特別,但個芝麻糊完全無芝麻味,係好似灰色ge糖水打芡咁,唔係芝麻糊ge質感食食下廚房師父行出黎真係即刻唔敢食,佢岩岩個十五分鐘一路整一路同待應姐姐傾緊計,都幾大聲下,本身以為純粹係佢講野大聲,原來佢一直都無戴口罩,所以啲聲可以咁大做飲食尤其係凍廚房都應該戴返個口罩,仲要依家咁敏感ge時期都唔戴口罩,實在無法令人放心咁食味道麻麻都算,但衛生真係好緊要!

今日係旺角行街，突然想食下甜品，行過山東街就黎到呢間小皇國甜品😍😍心太軟配雪糕 $58雪糕可以選擇唔同既口味，梗係要我最愛既曲奇雪糕，曲奇🍪味好出，好滑！之後到主角心太軟啦！朱古力🍫味好濃，入面熱辣辣，一食就流曬出黎，而外層就脆脆地，好好食😱😱😱😱百利甜酒梳夫厘 $58百利甜酒味淡淡地，個人覺得偏淡，但淡淡酒香，好開胃，而梳夫厘空氣感好夠，好好食😋但比起心太軟黎講冇咁好食，但都尚算不錯👍🏻整體來講不過不失，值得一試

旺角甜品店舖， 種類選擇很多， 價錢方面都Ok, 整體評分算中上， 舖頭小小位置不多需要等位，最特別出色都係榴蓮pancake, 其他甜品都不俗， 甜度適中可接受， 芭菲就麻麻了，當然會再次光顧。

旺角一早食完飯，同fd 傾得興起，唯有附近搵間糖水舖坐下依間雖然係朗豪坊隔離，但我地八點幾到只得我地一台客，可能閒日關係？ 之後再夜d 就有多d 客啦朋友叫既楊枝甘露冰，芒果冰尚算綿，但成個甜品好似每樣都係獨立，而唔係楊枝甘露個種感覺柚子好苦，芒果好甜，balance 番，但整體感覺只係食緊芒果冰，芒果，同柚依碗口感同味道較合一，豆腐花滑，但敗筆在好甜。。。係超級甜。。。甜到番屋企我飲左好多水都仲feel 到個種甜好想支持小店，但真係改下做法算吸引多d 人，特別係依家依個情況，真係好好利用優勢呀

簡單甜品，要搵傳統糖水都比較少。但在旺角其實呢間試一試也不過不失。海底椰夠滑。海底椰夠味，湯水不會太甜。清淡適合宵夜時段食，價錢都不算太貴。杏仁蛋白比較甜，但都好食。

呢間位於朗豪坊附近嘅甜品店叫做小皇國。環境比較細，需要將就一下。餐廳嘅特色就係夠平民，甜品嘅價錢唔算貴，楊枝甘露、涼粉、豆腐花、Pancake等等嘅甜品都有。今晚叫咗湯圓同埋燉海底椰。湯圓有六粒，26蚊，但係每粒都好大粒，尚算抵食，而且薑味濃，香，唔錯。至於海底椰係一般，冰糖水然後加咗啲海底椰同埋蓮子，冇乜特別。衛生方面個人就覺得有待改善，餐具上面有好多食物嘅乾渣🙄同埋有好大浸漂白水味。

小皇國甜品 (旺角)•旺角的甜品選擇說多不多，說少也不算少，但甜品種類卻沒有多大的變化。🧐•這家位於朗豪坊附近的甜品店，佔盡地理優勢，但光顧的人卻不算多。🤔•1️⃣ 芒果拿破崙餅 $49👍 酥皮新鮮出爐，但酥皮太薄。配上芒果吉士一起吃，略嫌層次感不夠。-旁邊的芒果醬是假芒果的味道🤮。•2️⃣ 雪糕紅豆黑白涼粉 $38👍 白涼粉是椰汁糕，味道很好，但只有4粒，少得可憐😢，其餘全是涼粉。•回頭指數：5/10 (甜品種類也算多，但就沒有多大驚喜，味道也不過不失。🤷‍♀️）

買左兩碗糖水一碗芝麻糊一碗杏仁茶我咁大個仔都未試過咁甜既糖水，甜到不能接受，食左一啖都已經甜到唔想再食……食完我真係怕會有糖尿病，所以我都已經唔敢再食，想去食既朋友真係要諗清楚，鐘意食甜野朋友，真係要試下，包你滿意，超級勁甜

今日 同朋友行完朗豪坊 ，見都有少少想食糖水，就去咗附近找糖水，最後我哋見到朗豪坊隔離有一間叫小王國的甜品店，就入去試試 。入到去坐位都算唔錯，食物都有中西式，最後選擇咗兩個熱嘅中式甜品 ，椰皇蛋白湯圓加芋圓 ，椰皇味唔算話好濃，但係都夠味可以，蛋白都幾香，而且口感都唔錯，湯圓煮得可能太耐，所以皮都比較偏淋身，入面一粒花生一粒芝麻，味道都一般，芋圓太淋身，同埋味道有點怪，唔好食，而我就叫咗個腐竹雞蛋糖水腐竹糖水，味道唔錯，而且都幾足料，仲有少少白果 雞蛋正常冇乜特別 。但整體嚟講味道都還可以，價錢77蚊，價錢合理。