九記打冷.小菜.粉麵 (Closed)

近日雨水多， 時大時細連綿不斷， 行街避雨順便食午餐。 呢間潮州食店相信開業超過十年，款式多選擇， 鹵水款式外，還有小菜，粉麵可選擇，味道有保証。 兩個人食，簡簡單單就可以，先來個澄海獅頭鵝套餐，跟著一碟豬手牛肚撈麵，又好似肉多了一點，加多一碟蝦醬通菜，再加多一個湯及凍檸水，最後還是放滿一枱😆。可能雨天，天氣比較清涼，胃口都好了🤭🤭🤭。 鹵水鵝有豆腐墊底，套餐來講份量都算多，入得黎潮州食店，一定要配碗白粥來吃，鹵水汁味道適中，不會過濃或過咸，鵝肉夠入味。豬手牛肚撈麵撈麵食落無鹼水味，豬手夠腍，而牛肚就係最好的金錢肚，點埋辣椒油非常滋味！是日靚湯就是下火的霸王花湯， 清甜潤喉，滿載住家的味道，真的要多喝一碗呀!蝦醬通菜通菜充滿鐵質，上枱依然翠綠，没有一點過火變黑，夠鑊氣之餘，時間的掌握到位👍