鉄火堂 (厚福街)

Open Now

Now Closed

今晚又唔知食乜好，經過厚福街由街頭行到街尾，最終決定嚟呢間食魚生飯嘅舖頭，可能而家尖沙咀市道差，以往經過都會見到入邊坐咗好多人，但今晚見到入邊有座位唔使等位，所以就決定食呢間，一坐低店員都好用心介紹新產品和牛丼，但本身對食和牛麻麻地，最後都係叫咗個自行配搭嘅魚生飯，魚生飯嚟到買相唔錯，食落魚生都尚算新鮮，整體嚟講都合格，兩個人埋單$280 ，同食壽司差唔多，不過下次都係會去食壽司好似好啲，因為性價比好似食壽司會高啲。