雲貴川風味 (西洋菜南街) (Closed)

非常鐘愛呢一間米線，雖然價錢唔算話好平，不過勝在足料又好味，性價比幾高。今日黎到，發覺差唔多爆場，好多學生哥黎幫襯，好采仲有一個位可以搭台。座位較窄加上疫情要隔板會有少少頂手，而且都不斷有人出出入入所以都唔太夠冷氣，加上呢幾日真係好熱，又食辣野搞到我出左少少汗。呢度係掃ＱＲ ＣＯＤＥ落單非常先進，而且仲有好多特別喜好可選，例如多芫茜多芽菜走芽菜之類等等。今日叫左金菇、豬肚同埋腩肉，湯底色澤鮮艷而且濃味，令人胃口大開，叫左中辣，不過就無譚仔咁辣，腩肉比較厚身不過有就Ｄ鞋口，豬肚軟硬適中，而且配菜都有REMARK所以都有比多D.豆漿都正常，唔算太甜豆味亦都夠香。食物整體黎講都算唔錯，不過環境舒適度就有待提升。