Video
Read full review
2019-06-01
272 views
突然想食上海菜，就走去德福的翡翠拉麵小籠包，原本以為6點幾尚算早，點知去到門口已經超級多人在等位，都等左廿幾分鐘先有枱，真係估唔到咁受歡迎。一坐低，侍應就問要茶定水，大肚冇得試茶，就要水，不過聽到隔離枱問有咩茶選擇，知道得一款茶冇得選擇款就有D不滿。肚餓就快手點食，點左必食小籠包。呢度小籠包真係keep到水準，真心覺得起碼佢皮簿而且肉吸收湯味，大小剛剛好，可能之前食過其他唔好食的小籠包，皮太厚或是肉太乾，冇湯等等，有比較下，就覺得係唔錯，又唔算貴。上海排骨拉麵，拉麵清清地，配濃味少少排骨都適合，麵量對我黎講少左d，唔太夠喉，但排骨係整得唔錯，大大舊都好鬆化。韭王炒鱔糊，有d失望，配料太多，望落差唔多全部都係蔥，鱔係非常少，一d都唔抵食，味道係惹味，配飯麵都好好，但以呢個份量黎講，就以後都唔會再點，應該有其他更好選擇。上海炒粗麵，餸多麵多，味道係好，但唔好期望太大，覺得會有咩特別，只係中規中矩咁，就好似普通炒烏冬，但係夠晒飽肚。
肚餓就快手點食，點左必食小籠包。
呢度小籠包真係keep到水準，真心覺得起碼佢皮簿而且肉吸收湯味，大小剛剛好，可能之前食過其他唔好食的小籠包，皮太厚或是肉太乾，冇湯等等，有比較下，就覺得係唔錯，又唔算貴。
上海排骨拉麵，拉麵清清地，配濃味少少排骨都適合，麵量對我黎講少左d，唔太夠喉，但排骨係整得唔錯，大大舊都好鬆化。
韭王炒鱔糊，有d失望，配料太多，望落差唔多全部都係蔥，鱔係非常少，一d都唔抵食，味道係惹味，配飯麵都好好，但以呢個份量黎講，就以後都唔會再點，應該有其他更好選擇。
上海炒粗麵，餸多麵多，味道係好，但唔好期望太大，覺得會有咩特別，只係中規中矩咁，就好似普通炒烏冬，但係夠晒飽肚。
Post
