Video
Read full review
2009-08-30
29 views
同好友羅莎慶生定必食日本菜，加上睇到食評，決定嚟試一吓。訂位嘅時候要求坐window seat，呢個決定果然無錯。雖然望落樓下有個空置嘅平台，加上兩邊有大廈阻擋，但總算清楚睇到對岸，在天清氣朗嘅情況下，有尖沙嘴嘅夜景送飯確係賞心樂事。不過好奇怪，一般嘅日本料理會先上刺身、壽司然後至到熟食，好等食客嘅味蕾從淡到濃咁享受食物本身嘅真正味道。呢度就唔係，無分次序，感覺都幾亂，而味道亦好壞參半。清酒煮大蛤（$68）— 每隻蛤都大大隻，幾新鮮。馬糞海膽（$100）— 雖然話係板裝膽而並非新鮮一隻隻即開，勝在夠新鮮甜美，正！磯燒飽魚 — 醬汁較甜，加上鮑魚無味又太綿，食咗都唔知係乜。如果有優惠券，一試無防。鐵板大蝦（$48）— 唔係肥到出哂膏嗰種，都算新鮮爽口。串燒黑豚肉車厘茄、露筍卷（$18、38）— 露筍無驚喜，反而車厘茄嘅甜味好出。可能塊黑豚肉比較薄，燒得較乾，所以食唔到佢本身嘅味。北海道帶子刺身（$26）— 唔係大隻，但總叫ok新鮮甜美。魚薄切（$48）— 入口起初無味，但入喉就感覺到淡淡魚味。如果加上辣蘿蔔蓉同醬汁，魚嘅鮮味即刻以倍數提升。鵝肝多士（$38）— 鵝肝夠大件同厚身，入口即
不過好奇怪，一般嘅日本料理會先上刺身、壽司然後至到熟食，好等食客嘅味蕾從淡到濃咁享受食物本身嘅真正味道。呢度就唔係，無分次序，感覺都幾亂，而味道亦好壞參半。
清酒煮大蛤（$68）— 每隻蛤都大大隻，幾新鮮。
馬糞海膽（$100）— 雖然話係板裝膽而並非新鮮一隻隻即開，勝在夠新鮮甜美，正！
磯燒飽魚 — 醬汁較甜，加上鮑魚無味又太綿，食咗都唔知係乜。如果有優惠券，一試無防。
鐵板大蝦（$48）— 唔係肥到出哂膏嗰種，都算新鮮爽口。
串燒黑豚肉車厘茄、露筍卷（$18、38）— 露筍無驚喜，反而車厘茄嘅甜味好出。可能塊黑豚肉比較薄，燒得較乾，所以食唔到佢本身嘅味。
北海道帶子刺身（$26）— 唔係大隻，但總叫ok新鮮甜美。
魚薄切（$48）— 入口起初無味，但入喉就感覺到淡淡魚味。如果加上辣蘿蔔蓉同醬汁，魚嘅鮮味即刻以倍數提升。
鵝肝多士（$38）— 鵝肝夠大件同厚身，入口即有滿足感。
野菜手打稻庭烏冬（$48）— 幼細、彈牙。
北海道牛奶巨峰布甸（$48）— 個名好吸引，賣相就好一般，勝在巨峰汁另上，咁就可以隨住個人喜好增加甜味。
總括嚟講，同三兩知己坐低响舒舒服服嘅環境，唔使太昂貴嘅消費，又可以睇到海景，此餐廳可以係一個唔錯嘅選擇。
Post
