Video
Read full review
2022-08-30
45 views
平時收工都會同啲同事食下飯飲下酒，今日收工同事帶我去打邊爐，佢話餐廳係新開。專係做新鮮魚火鍋，同事話其他火鍋食材，都係屬於頂級嘅質素，所以帶我去試吓。碼頭上魚（川菜/火鍋），地址喺元朗鳳攸南街9號好順利大廈一座一樓2號舖。餐廳裝修得幾華麗，好有中國特色，空間感好足夠，所以坐得都幾舒適。湯底有三個選擇麻辣紅鍋 138元酸菜鍋 138元鯽魚鍋 138元，可以選擇鴛鴦湯底都係多$10今次我哋選擇咗酸菜湯底，湯底味道酸酸辣辣，一滾起味道已經引到我流口水🤤。深海龍躉片一份 168元，龍躉片份量好多，望落去色澤好新鮮，而且每一片都切到好有份量，拖一拖水龍躉片已經食得，入口味道非常鮮甜而且好有口感，龍躉皮煙煙韌韌充滿骨膠原，味道非常鮮美，配搭埋酸菜湯底特別惹味。真係好好食，食到停唔到口。鮮蝦雲吞 68元，雲吞皮薄餡靚，蝦肉爽口彈牙，味道鮮甜。估唔到雲吞同酸菜湯味道係咁夾。極品黑豚肉 148元，黑豚肉賣相非常好，無論色澤同size都知道係頂級，入口肉質嫩滑，加上脂肪比例均勻味道特別香。養顏竹笙 68元，竹笙完全吸收左酸菜湯底味道，味道非常鮮甜，而且仲係好爽口。差唔多食完個湯底仲可以攞嚟飲，食得出所有食
碼頭上魚（川菜/火鍋），地址喺元朗鳳攸南街9號好順利大廈一座一樓2號舖。
餐廳裝修得幾華麗，好有中國特色，空間感好足夠，所以坐得都幾舒適。湯底有三個選擇
麻辣紅鍋 138元
酸菜鍋 138元
鯽魚鍋 138元，可以選擇鴛鴦湯底都係多$10
今次我哋選擇咗酸菜湯底，湯底味道酸酸辣辣，一滾起味道已經引到我流口水🤤。
深海龍躉片一份 168元，龍躉片份量好多，望落去色澤好新鮮，而且每一片都切到好有份量，拖一拖水龍躉片已經食得，入口味道非常鮮甜而且好有口感，龍躉皮煙煙韌韌充滿骨膠原，味道非常鮮美，配搭埋酸菜湯底特別惹味。真係好好食，食到停唔到口。
鮮蝦雲吞 68元，雲吞皮薄餡靚，蝦肉爽口彈牙，味道鮮甜。估唔到雲吞同酸菜湯味道係咁夾。
極品黑豚肉 148元，黑豚肉賣相非常好，無論色澤同size都知道係頂級，入口肉質嫩滑，加上脂肪比例均勻味道特別香。
養顏竹笙 68元，竹笙完全吸收左酸菜湯底味道，味道非常鮮甜，而且仲係好爽口。
差唔多食完個湯底仲可以攞嚟飲，食得出所有食材都係好新鮮。
下次都會再嚟幫襯，試吓唔同嘅魚，我食咗幾樣嘢全部都好滿意。
Post
