霸嗎拉麵 (屯門市廣場1期)

Open Now

Now Closed

價錢貴，以為味道會有保證，但其實非常普通。個湯頭感覺同一般超級市場買返去自己煮無分別，一d都無豬骨香味同膠感，我去其他拉麵店習慣食完麵會飲幾啖湯，呢間我一啖都唔想飲。唯一可以俾like係隻蛋。份量少，男人的話肯定要加麵，我本身唔大食都唔飽要加麵。最值得一提係d員工個個掛住吹水，叫佢地做野好似阻住佢地傾計咁，尤其係收銀個後生女，一路埋單一路同隔離果個吹水吹到忘我境界，問多佢一句個樣唔耐煩到想鬧人咁。唔明憑乜要收人加一。呢間野絕對唔會有下次。