串燒王 (登龍街)

Open Now

Now Closed

提前book位，星期六晚放工後串燒，寫全單88折優惠。visa埋單後發現正價，詢問點解冇discount ，店主話你埋單時冇講，我話咁book位時顯示晚餐優惠，我以為自動，咁可否取消重新比錢，店主話，冇了，買左就冇。其實信用卡支付可以取消重新搞，只係店主唔想咋，我唔可以話欺騙，只可以提醒下其他人記得埋單時講。另外，餐廳環境的確好逼，不過試串燒都可以理解。但服務可以話完全冇，得店主同一個夥計，非常忙碌，入來冇人招呼，問野又唔答。有人入座後等十分鐘冇辦法落單，走左。食物質素來講，公道一句，唔錯，雞軟骨好香，唔會太重調料。花甲、金菇等份量都好足。