Baker by Lubuds

Open Now

Now Closed

本身對呢間舖零認識，咁啱經過見到排曬長龍就好奇上網查下間野係咩來頭，一查先知原來係出名酥皮蛋撻，而且咁啱係3點果轉嘅出爐時間，所以就決定攞籌試下，等左陣已經聽到喺龍尾個職員截籌，好彩果斷決定同埋慳左排隊時間。一開波開始賣就好快到我地，過程唔洗5分鐘。咁難得食到呢間舖就覺得可以試埋佢個牛角包同藍莓撻，所以最後決定買埋。每日限量嘅酥皮蛋酥新鮮出爐，熱辣辣同埋酥皮有好多層，食落口感非常好，而且中間嘅蛋都好滑。不過牛角包就應該已經擺左一段時間，只係暖暖地，而且整體嚟講冇話好特別。另外藍莓撻上嘅藍莓都新鮮，蛋撻酥皮嘅層次冇咁限量果個咁多，而且價錢比限量嘅貴，性價比冇咁高。