Baker by Lubuds

Open Now

Now Closed

@baker_lubuds (太古城）投餵 by Ellie.開心果真係呢年嘅大熱大街小巷都鍾意.. 越來越多呢類嘅包包而.. 我都中埋開心果毒..包毒就不嬲嘅🤣.開心果牛角酥🥐.唔知望落去睇唔睇得出佢有幾大..真心大.. 夾埋長度有我兩個手掌拼埋咁大..😱酥皮每一層大塊d 闊d.. 口感上都更加脆口內裡嘅空氣感也更強！法式style！牛角酥味道好ok！🫡反而係開心果醬 望上去好爽實際都爽 但唔係開心果濃 係甜度..🤫甜度高過開心果濃‼️會覺得嗰牛角包好味 好gur好爽但主要唔係因為「開心果」 而係牛角包本身.招牌蛋撻🥧.有有有！！其實蛋撻好味嘅鋪頭都越來越多！但試試佢都完全覺得佢都係高水準之一！千層酥皮層層疊疊口感分明 👍蛋漿味啱啱好 唔會太淡亦唔會太膩感覺係酥皮口感 & 蛋漿味道 都可以分別感覺到都好夾！🫶🏻呢個就更推薦了！.

之前見人講已有收藏 咁啱經過 見唔係排長龍所以就去買 買咗個人氣蛋撻🤤其他嘅包餅 都睇落好吸引樣樣都賣相靚 一粒都有個包裝袋🫢但當日係買完即場食雖然唔係超熱 但feel到係暖嘅一食落好酥脆 好好香 係個酥皮好食餡都係個啲野 但香奶味嘅 葡撻一樣味唔算好超甜係靠個酥皮 勝出😂之後再買咗個朱古力包 但冇影到相睇落都ok但食落係酥皮好香脆但朱古力味唔濃 雖然佢面有可可粉 餡有朱古力醬但唔算覺得食完好香濃爭啲 對比下 蛋撻好食啲 😂有機會會再想買其他黎試食😂😋

近年有不少麵包店都在賣法式蛋撻，大家又吃過邊幾間？最近朋友介紹這間 ✨Baker by Lubuds 說是性價比高。 剛好某天約了朋友在太古城食飯，看看有沒有機會買到。因為最晚的出爐時間是下午3:00，不過我7點多去到都還有。而且都要排一陣隊才買得到，排隊時看到其他撻之類好像也不錯。✨招牌蛋撻 (HKD 12/個)  買半打的話會有盒子，最多每人只可以買一打。千層酥皮的蛋撻外皮是幾酥脆，吃到裡面則是帶點煙韌感。放到第2天再吃會稍微有點硬，建議即日食或是翻焗一下。蛋漿很綿滑清甜，不會太甜這真的不錯。就是對比另一間經常排長龍又會有機會買不到的情況下，這間的蛋撻是可以買來過過口癮 (笑)

今日表姐由日本回來，竟然她經過太古城米之蓮級餅廚主理的手工麵包店「Baker by Lubuds」買了一盒牛角酥🥐給我們，其實每次經過都排長龍所以我都沒有刻意去買。今日終於可以試到牛角酥啦，這是他們其中一個招牌之一。先見到個包裝已經覺得好靚，牛角酥$18/個，牛角酥講究用上法國A.O.P.牛油和日本麵粉，牛油比例較坊間的牛角包更高，酥皮反覆摺疊12層，富牛油香，連媽媽都讚不絕口🤤🫰🏻📍地址：太古太古城道18號太古城中心3樓307號舖▪️營業時間：8am - 8:30pm☎️電話：2326 8832

除左人氣千層酥皮蛋撻，仲有牛角酥，抹茶紅豆卷，車打芝士香蔥鬆餅等...款式非常多，色彩繽紛新鮮出爐千層蛋撻，熱辣辣香噴噴，撻皮用左牛角酥麵糰製，相比傳統造法好唔同，酥皮層層鬆化酥脆，撻邊帶點焦香；蛋漿濃郁，口感香滑，但相對會甜左少少，經過又唔洗排隊的話，絕對值得一試！

呢間店每到指定的時間，就有好多人排隊買葡撻，因為每日指定幾個時間新鮮出爐，限量供應，一直太多人指定時間堆係店前，差唔多每次條隊都係打蛇餅既，我怕等同排長龍，所以一直都冇試。啱啱呢次唔算太多人排隊，所以來排一陣試下，佢係新鮮出爐，店員亦提醒客人唔好封起袋口，以免影響個撻，我哋買完即刻食，係熱辣辣的，蛋身好香滑，好creamy酥皮撻本身好脆身又唔會油膩，唔會太甜，整體媲美Bakehouse 的葡撻，屬於高質葡撻

又係bookmark咗一排, 見近排唔洗點排隊就試試, 有幾轉出爐時間, 我係臨出爐前過嚟排定隊, 人龍唔算長, 好快就買到手🥰順帶一提 買麵包係唔洗排隊 見佢哋啲麵包賣相都唔錯但少貴 所以係冇買到🫣出爐前職員會逐個問要幾多件 限購一打(?)我哋買咗兩件($12一件)😎一到手暖暖地 食落唔算油膩, 皮都算酥脆, 都有蛋香, 不過我覺得偏甜咗少少（又或者個種甜味唔係我鍾意嘅味道）overall個人鍾意葡撻多啲😂未試過嘅人如果鍾意食甜甜地嘅蛋撻可以試吓

每次經過Baker by Lubuds都唔係招牌蛋撻出爐時間，所以都無話專登等，但有時順其自然原來都會有意外收穫，今日經過店員話仲有10 mins出爐，當然衝埋去排隊啦😂招牌蛋撻買左半打招牌蛋撻有盒裝，每人最多限買一打，襯佢新鮮出爐，極速跑回家品嚐一開盒就香氣四溢，千層酥皮撻層層都好分明，非常酥脆，蛋漿滑溜，但我就略賺蛋漿偏甜左d，但無損整體味道排10 mins就買到我覺得係物有所值，除左蛋撻，店舖仲有其他酥皮甜點出售，希望下次佛系既我都可以撞正出爐時間，再次有緣食到招牌蛋撻✌🏼

今天經過見冇人龍，並見一大盆蛋撻出爐，即刻買了兩個解饞，店員很快放了兩個入包裝袋，在收銀處付款時，我瞄了一眼，發覺蛋撻邊皮是黑色燶的，我便詢問店員可否換另外兩個“冇咁燶”。那收銀員突然高聲叫pack蛋撻個位店員“成盆攞過來比小姐揀啦！佢話燶喎！“我見有些冇黑色燶邊，便要了兩個冇咁黑嘅。雖然佢地有應我要求換了兩個，但是態度上令我感覺不良好，尤其是收銀員突然提高聲量時，引來後面排隊人仕注意，以為我來找麻煩的？難道知名店舖嘅出品，就一定冇問題?客人就算有要求，拒絕接受燶嘅致癌物都係錯？難道我不能哼一聲，只能乖乖接受？

係太古城中心上緊電梯去睇戲嘅時候見到呢間之前話排曬長龍嘅酥皮蛋撻店 baker by LUBUDS。其實bookmark左好耐但一直都冇機會試。於是就趁冇咩人排就行埋去買黎試下。當我地以為仲有好多嘅時候，原來我地已經係尾二個個可以買到！真係好彩！大家可以趁佢地出爐時間過去買。佢地個酥皮都算酥脆，冇bakehouse咁脆，但我鐘意佢呢個蛋味多d，有d似hashtag 蛋撻個味，有d焦糖味。hashtag 個蛋撻我嫌佢少蛋，但baker by LUBUDS呢個唔會，蛋嘅份量啱啱好！唔錯唔錯！

本身對呢間舖零認識，咁啱經過見到排曬長龍就好奇上網查下間野係咩來頭，一查先知原來係出名酥皮蛋撻，而且咁啱係3點果轉嘅出爐時間，所以就決定攞籌試下，等左陣已經聽到喺龍尾個職員截籌，好彩果斷決定同埋慳左排隊時間。一開波開始賣就好快到我地，過程唔洗5分鐘。咁難得食到呢間舖就覺得可以試埋佢個牛角包同藍莓撻，所以最後決定買埋。每日限量嘅酥皮蛋酥新鮮出爐，熱辣辣同埋酥皮有好多層，食落口感非常好，而且中間嘅蛋都好滑。不過牛角包就應該已經擺左一段時間，只係暖暖地，而且整體嚟講冇話好特別。另外藍莓撻上嘅藍莓都新鮮，蛋撻酥皮嘅層次冇咁限量果個咁多，而且價錢比限量嘅貴，性價比冇咁高。

呢間烘焙店大有人氣，由擁有20年+經驗喺米芝蓮級做餅廚主理的，其新鮮出爐嘅蛋撻，就係食客排隊光顧的原因！我遇上佢哋中午12:00和6:30pm左右嘅新鮮出爐時間，我忍唔住手就已幫襯過2次啦，我趁熱食啦～🥚 蛋撻 (HK$12/個)．用牛角酥皮麵糰製作嘅蛋撻皮，鬆化、酥脆，同時亦滿牛油香味．蛋漿加了忌廉和牛奶，口感奶滑，豐富感，面頭有少少焦糖甜．我覺得整體都係偏甜，幸好大小剛好，食一件就剛剛好，滿足😋

太古城有間米芝蓮級餅廚主理嘅手工麵包店「Baker by Lubuds」，開業以來一直大排長龍，佢地嘅千層牛角酥皮蛋撻係人氣熱賣，另外仲有多款麵包，牛角包、爆餡忌廉包、朱古力麻糬包同樣高質，麵包控又要出動啦😆是日小妹恰巧路過，遇着出輪時間，當然要買來試試看😋千層蛋撻 $12/pcs牛角酥皮作撻皮，烘焗至焦糖化，鬆化酥脆，蛋漿加了法國忌廉和牛奶，口感更香滑

Baker by LUBUDS 之前每一次經過太古城都見到大排長龍，3:00pm 蛋撻出爐, 3:05pm 已經望住個牌寫住”蛋撻暫時沽清”😓 今次放假終於有機會俾我試到傳說中LUBUDS Group 旗下既手工麵包店 Baker by LUBUDS 既人氣蛋撻! ————————————————感想:❆ 招牌蛋撻 $12蛋撻既千層酥皮外觀酥脆明亮，蛋漿滑嫩並散發出濃厚蛋香🥚整體口感均衡，唔會過甜🥰每次蛋撻一出爐，都迅速被搶購一空, 要買就建議早啲過嚟，等佢新鮮出爐啦!舖頭仲有其他嘅baked goods可以買，例如牛角包同埋scones🥐都見到有唔少人幫襯，不過個需求都係冇佢哋嘅招牌蛋撻咁高, 蛋撻真係太好食…如果佢每一次出爐整多啲蛋撻就更加好，客人唔使排咁耐隊!🥳————————————————整體:✦ 價格: 4.7/5✦ 味道: 4.6/5✦ 服務: 4.4/5✦ 環境: 4.5/5✦ 再訪指數: 4.5/5Baker by LUBUDS 地址: 太古太古城道18號太古城中心3樓307號舖營業時間: 星期一至日 08:00-20:30

買蛋撻都大排長龍？！出爐時間：0930，1200，1500太古城中心呢間蛋撻店，$12一個蛋撻，每次出爐吸引好多人排隊輪候！原因係：真係好香好好食！個蛋撻底嘅酥皮做到勁多層充滿牛油香，蛋夠厚但我覺得甜左少少。CP值高 值得買嚟試！