劉森記麵家 (褔榮街)

Open Now

Now Closed

唔知係咪我要求太多, 水餃撈麵, 免剪, 唔要蠔油腩汁, 淨要熟油。 5分鐘後碟麵上檯(見圖好似幾好, 相機問題), 一睇啲麵已經較平時脹身, 咬落軟冧冧, 摷開仲見有幾條唔知係上幾多手响淥面水留低嘅粗麵, 似乎係無跟柯打, 搞錯再將啲麵翻淥, 徹底洗淨後撈渣上碟(唔怪得幼中有粗🙈), 不過阿姐話無搞錯, 我又見唔到痕跡, 結果係咁意食兩啖就放棄, 假若真係竹昇麵, 咁搞法, 不如丟咗那碌昇算了, 免得浪費功夫。同樣情況, 一個月前响中環某老牌粥麵專門店遇過, 不過由於無洗乾淨啲蠔油, 加上翻淥嘅麵必冧無疑, 反映之下阿姐二話不說重新淥過另一碟麵, 我覺得呢啲先係麵店應有嘅負責態度。