金鳳大餐廳

Open Now

Now Closed

招牌牛柳餐🥩牛柳2大塊有一定厚度，鐵板熱力十足，一淋汁即刻咋咋聲，回憶返晒嚟，牛柳叫咗5成熟，鐵板上就會再慢慢煮熟多少少，不過都好容易切開🍴香燒羊扒餐🥩羊架就有3塊，叫咗7成熟，同樣係好易切得開，唔會因為鐵板上就變到好老，經典滋味~~醬汁有蒜蓉汁或者黑椒汁，侍應都好細心，喺淋汁之前會提醒我地打開餐巾，同埋等我地拎走附近嘅野先至淋汁，唔會話趕住做，值得一讚👍底下有薯條、翠玉瓜、紅蘿蔔、粟米等配菜，稍為隔開塊肉同埋鐵板，無咁容易燶或者痴底🔥套餐有牛油餐包、湯、飲品，湯有羅宋湯或者忌廉湯，成個套餐都夠飽肚！