燒肉801

Open Now

Now Closed

有得燒肉真係好開心，我地揀咗2人前嘅志盛，包括有汁燒同鹽燒志盛，仲有得加冷麵或白飯。當中有有鹽味牛舌、黑毛和牛腹柳小排、黑毛和牛上肩肉、極止厚切牛胸腹柳、蔥鹽味雞腿肉同埋黑毛豚無骨小排。每一樣肉都鮮嫩多汁，質素一流。我特別鍾意佢嘅鹽味牛舌，本身有鹽味就鹹香十足，再加上要牛舌薄薄地，燒完之後好有咬口又好食。而佢嘅和牛肥美適中，入口即化，好正。再加埋佢哋嘅燒汁，味道變到更加香濃好味。而蔥鹽味雞腿肉，就枱上多咗一碟蔥鹽作為醬汁可以點取。仲有佢哋嘅冷麵係韓式冷麵，所以好清新，甜甜地好開胃。不過我個人更加建議大家午市嚟食，因為午市嘅話可以免費配飯同前菜。