和牛燒肉‧純 (Moved) New Location

和牛燒肉.純 - 好有質素嘅日式燒肉餐廳！午餐往往比晚餐抵食，CP值超高！豪華燒肉二人餐（2人用）（$420）套餐跟沙律、前菜、白飯及味噌湯即使簡單如白飯，都好有質素，因為選用左日本米，飯粒粒粒分明又軟熟。2人套餐有三款和牛，日本產雞腿肉，大蝦，魷魚及帶子。三款和牛分別係特選和牛牛排肉、和牛上牛排肉及黑色小壺裝住嘅和牛壺漬牛排，全部都入口即溶。由淡食到濃，可以先燒牛排肉、之後至食壺漬牛，壺漬牛簡直不得了，大大片，輕輕一燒，撈飯一流！海鮮亦好新鮮，特別係大蝦，有蝦膏，蝦肉新鮮又彈牙。跟餐仲有餐飲，其中加$12可以upgrade做桃味汽水。