茶涮涮 (Closed)

而家因為疫情😷冇得去日本旅行，成日都會食日本嘢，以心理補償我嘅思鄉之情😭 今次就嚟度呢間新餐廳茶涮涮，食返個A5和牛定食先😝定食嘅幸福感，就係乜都有少少🤏😆 呢度都唔例外，有漬物、蟹肉沙律同埋和牛味噌湯！漬物方面，微酸惹味層次豐富～沙律鮮嫩爽口，蟹肉量多又甘甜😍👍🏻 味噌湯鹹香十足濃度適中👏🏻😜個午市定食全名叫做鹿兒島A5和牛塔塔定食（$268），估唔到餐廳個份量咁足料，入口即化，肉質軟腍嫩滑😋👏🏻 個新鮮蛋黃更將成個塔塔昇華咗，口感滑溜又唔腥，極致美味❤️呢個價錢嚟講，有咁多A5和牛塔塔😳 真係非常之抵食！建議各位牛魔王午市嚟食呢個餐😉😝🙌🏻