牛気 (如心廣場二期)

Open Now

Now Closed

餐廳主打任食日式火鍋放題，不定期起會推出主題美食，提供多款精選肉類、海鮮、丸子、菜、熟食、炸物、小食同甜點。最近做緊「和洋祭」，融合日式料理同西方美食，為客人帶嚟新體驗。如果唔想食得咁急嘅建議午餐時段去，兩個半鐘可以同朋友仔邊食邊傾，店內座位闊落，收碟速度都算快，唔會食到污糟邋遢，而且空氣流通，食完會成陣火鍋味。私心推介Lv 4套餐，因為可以一次過品嚐到上等澳洲穀飼黑安格斯牛、SRF 美國極黑牛同多款新鮮海鮮。食肉獸嘅建議加多少少要Lv 5，咁就會包埋澳洲極上和牛啦。和牛入口即化，鮮嫩多汁，海鮮有三文魚刺身、原隻鮑魚、花膠、大海蝦，仲有期間限定嘅日式山椒大蔥焗生蠔，即叫即整需要等候一段時間，無限添加，回本之選。配料主要喺自助區攞，而壽司同迷你丼飯就用QR code落單。熱食有咖喱沙嗲魚蛋、麻辣雞翼尖、燒賣、關東煮、榴槤炸彈、蘑菇忌廉湯、香脆薯條配香草松露醬同辣味黑松露醬，款色多樣化，完全唔知由邊度開始食好，唔講唔知以為去咗食自助餐哈哈哈。比較印象深刻嘅有蘿蔔、冬菇同意式蕃茄肉丸，其他就正常發揮，樣樣要一粒試試都可。相比起會話呢度嘅甜品都唔錯，甜品控表示大滿足。豆腐花、紅豆蓮子湯、迷你棉