牛石料理 (Closed)

好耐無去九龍城了，九龍城嘅泰國菜出晒名，但亦開咗唔少餐廳。今次去咗有幾多好評嘅日本料理。🥩燒肉盛$558（A5和牛肉眼、A5和牛肉眼背峰、A4 和牛西冷、頂級牛小排、牛舌心、雞腿肉-日本華味鳥、日本三元豚- 西冷、日本三元豚-腩， 每款各有2 款）最鍾意食伊藤和牛肉眼同肉眼背峰。雪花分佈均勻，油脂非常豐富， 肉質最軟腍。 牛舌厚切爽口。 西冷脂肪相對少，肉質無肉眼咁肥美。豚肉同雞肉水準都可以，唔會落太多醃料。 可以點三款醬汁：Wasabi、黑胡椒汁同燒汁。或者枱上面本身有黑白胡椒粉。其實唔加調味，食肉嘅原汁原味已經好好食。🦀帝王蟹三貫壽司$78帝王蟹肉、松葉蟹膏、炙燒帝王蟹棒店舖推介，蟹膏夾着2 片青瓜幾清新，蟹棒加上沙律醬更開胃。🍞法國鵝肝多士$118好少喺餐廳食到咁大件鵝肝，同多士差唔多大細。雖然對減肥中嘅我哋嚟講比較油膩，但係太邪惡了，食到唔停口。 🦀蟹味噌甲羅燒 $88豐滿嘅蟹膏同脆口多士非常配合。不過，如果添加蟹肉喺表層會更加吸引。 仲叫咗其他串燒，如燒菠蘿$20 ，七味燒雞腎$24，日式雞翼$22/ 串。水準正常發揮。🍸飲料紫貝天葵荔枝$28荔枝味香濃，唔會太甜。藍碟雪梨$