Teru Teru Bōzu (Closed)

近排諗住落雨無乜人會排隊買珍珠奶茶，點知隻老虎門口依家人氣不減。見到咁同朋友真係唔嘥時間了，過左隔離新開嘅TERU慢慢享受悠閒嘅放工時間。自家製芝士豆腐。以乾脆多士做底，襯托住軟滑芝士豆腐，再加上少少腌製魚醬提升味道，令整口感豐久不失引起食慾嘅效果。炸河蝦。入口酥脆香口，雖然係蝦米大小但肉身都大粒，咸咸地嘅椒鹽味佐酒啱晒。味增煮牛筋。應該用左紅白味增及醬油去煮，味道甜甜咸咸的好惹味。當中加入左關東煮常見嘅魔芋配搭，令到牛筋口感同佢更接近，食落煙韌又吸味，好正。紅酒燴牛脷。一上枱就覺得牛舌超級厚身，將佢當牛扒黎鋸都無問題，不過最過癮都係以筷子夾住，一啖啖咬黎食，風味最好。紅酒醬汁味道香濃，加入左少少忌廉令質感好順滑。雖然覺得都係偏甜少少，但牛舌厚身嘅關係都中和左唔少。鯷魚醬野菜棒。呢度自家調製鯷魚醬味道無咁咸，但鮮香味十足，就算空口食都唔會太濃烈。用黎配櫻桃蘿蔔／生菜／青瓜都非常合適。不得不激讚係個白粟米超級香甜，以少少魚醬黎配合，明太子白飯魚冷意粉。將天使意粉以冷麵做法製成，但以和風醬調味，配搭出黎味道好好。加上明太子嘅微辣咸香，白飯魚清清地再配上類似千島醬嘅酸甜和風醬，好食。炸忌廉蟹